«Barys-Arenada» búgin kontsert bolmaıdy – ákimdik

NUR-SULTAN. QazAqparat - Búgin «Barys-Arenada» otandyq jáne reseılik juldyzdardyń qatysýymen kontsert ótetindigi týraly aqparattyń shyndyqqa janaspaıtynyn Nur-Sultan qalalyq ishki saıasat basqarmasy da rastady, dep habarlaıdy QazAqparat memlekettik organǵa silteme jasap.

«Kontsert josparlanǵan joq jáne ótpeıdi. «Barys-Arena» ǵımaratynyń basshylyǵy, onyń ishinde elordanyń «MTEXmanagement» sporttyq-mádenı nysandaryn basqaratyn kompanııa da qala turǵyndaryna kontsertti ótkizý shyndyqqa janaspaıtynyn aıtty. Uıymdastyrýshy Marat Ábıev kontsertti ótkizýden bas tartý týraly resmı habarlamaǵa qaramastan, turǵyndardy aldap, kontsertke shaqyrýdy jalǵastyryp jatyr. Osylaısha adamdardy shatastyryp otyr!»

- delingen basqarma taratqan málimdemede.

Іshki saıasat basqarmasy qala turǵyndaryn arandatýshylyqqa ermeýge shaqyryp, zańsyz áreketter úshin jaýapkershilik qarastyrylǵanyn qaperge beredi.

Kontsert týraly aqparattyń feık ekenin budan buryn «MTEX management» basqarýshy kompanııasy málim etken bolatyn.