Barlyq óńirde ınternet sapasyna qatysty shaǵym bar - Ashat Orazbek

NUR-SULTAN. QazAqparat – Elimizdiń barlyq óńirinde ınternet sapasyna shaǵym bar. Bul týraly QR Tsıfrlyq damý, ınnovatsııa jáne aeroǵarysh ónerkásibi vıtse-mınıstri Ashat Orazbek málim etti, dep habarlaıdy QazAqparat tilshisi.

«Shaǵym barlyq derlik óńirden bar. Bul retten birqatar óńirdiń geografııalyq bederiniń kúrdeli ekendigin túsiný qajet. Ondaı óńirler – Qaraǵandy, Ulytaý oblystary, Qostanaı, Shyǵys Qazaqstan, Túrkistan oblystarynyń keı jerleri. Jer bederi kúrdeli bolǵan kezde operatorlarǵa ınternettiń qoldanystaǵy tehnologııalaryn jetkizý óte qıyn. Sondyqtan ol jerlerge ınternet spýtnık arqyly beriledi», - dedi Ashat Orazbek elordada ótip jatqan «Tsıfrlyq Qazaqstanǵa betburys» atty halyqaralyq forým aıasynda BAQ ókilderine bergen suhbatynda.

Onyń atap ótinshe, spýtnıkten berilgen ınternettiń sapasy nazar bolady.

«Muny birden moıyndaýymyz qajet. Búginde mundaı myńnan astam lokatsııa bar. Jáne de bul lokatsııalard negeostantsıonarly spýtnıktiń tehnologııany paıdalaný arqyly qamtımyz. Bul tehnologııanyń trafık sapasy birshama jaqsy. Jalpy, ol turǵyny 200 adamnan aspaıtyn shaǵyn eldi mekenderdi sapasy jaqsy ınternetpen qamtý úshin jetkilikti», - dedi vıtse-mınıstr.