«Barys» jańa maýsymda altynshy márte jeńilip qaldy

ASTANA. KAZINFORM — Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn Reseıde «Vıtıaz» (Podolsk) komandasyna qarsy ótkizdi.

Kezdesý barysynda qazaqstandyq komanda óte sátsiz oınady. Reseılik klýbtan Ivan Chehovıch 3-mınýtta esep ashsa, Ádil Beketaev 18-mınýtta tarazy basyn teńestirdi.

Odan keıin reseılik klýbtan Egor Voronkov 18, Ivan Vorobev 32, Derek Barak 36-mınýtta mergendik tanytty.

Osylaısha «Barys» qarsylasyna 1:4 esebimen ese jiberdi. Bul — elordalyq klýbtyń jańa maýsymdaǵy altynshy jeńilisi.

Endi qazaqstandyq komanda budan keıingi tórt oıynyn elordada ótkizedi. Aldymen 24 qyrkúıekte Reseıdiń «Dınamo» (Máskeý) klýbymen sheberlik baıqassa, 26 qyrkúıekte «Sochı», 28 qyrkúıekte «Vıtıaz» (Podolsk), 30 qyrkúıekte «Torpedo» (Nıjnıı Novgorod) komandalarymen kezdesedi.

Aıta ketsek, elordalyq klýb bıylǵy maýsymda jeti kezdesýdiń altaýynda jeńilip qaldy. Elordada Reseıdiń «Neftehımık» (Nıjnekamsk), «Traktor» (Chelıabınsk), «Amýr» (Habarovsk), Belarýstiń «Dınamo» (Mınsk) komandalaryna ese jiberdi.

Odan keıin Reseıdiń «Avtomobılıst» (Ekaterınbýrg) komandasyn overtaımda 2:1 esebimen súrindirse, «Ak Bars» (Qazan) klýbyna 0:5 esebimen ese jiberdi.