«Barys» shabýylshysynyń goly úzdik dep baǵalandy

Qazaqstandyq «Barys» komandasynyń ortalyq shabýylshysy Álıhan Ómirbekovtiń «Avangard» qaqpasyna soqqan shaıbasy Qurlyqtyq hokkeı lıgasynyń jeltoqsan aıynda soǵylǵan úzdik goly retinde baǵalandy, dep habarlaıdy Kazinform. 

Bul jóninde Qurlyqtyq hokkeı lıgasynyń YouTube resmı kanaly jeltoqsan aıynda soǵylǵan úzdik goldardyń toptamasyn jarııalady.

Nátıjesinde «Barys» komandasynyń ortalyq shabýylshysy Álıhan Ómirbekovtiń «Avangard» qaqpasyna soqqan goly úzdik dep baǵalandy.

Álıhan Ómirbekov 2001 jyldyń 14 maýsymynda dúnıege kelgen. Elordalyq «Barys» sapynda 2023/2024 jylǵy maýsymnan bastap oıyn kórsetip keledi. Qarsylastar qaqpasyna úsh gol soǵyp, úsh nátıjeli pas berdi.

Oǵan deıin «Senjnye Barsy» klýbynyń namysyn qorǵady. Ulttyq qurama sapynda 13 oıyn ótkizip úlgerdi.

Eske salsaq, buǵan deıin shaıbaly hokkeıden álem chempıonatynda Qazaqstan jastar quramasynyń yqtımal qarsylastary anyqtaldy.