«Barys» komandasy búgin Reseıde «Salavat ıÝlaev» komandasymen kezdesedi

Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Salavat ıÝlaev» (Ýfa) komandasyna qarsy ótkizedi, dep habarlaıdy Kazinform. 

Kezdesý búgin, 19 jeltoqsan kúni, elorda ýaqytymen saǵat 19:50-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 59 márte kezdesti.

Onyń 26-y elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Týrnır kestesinde «Barys» 40 oıynnan keıin 31 upaımen 23-orynda tur.

Al «Salavat ıÝlaev» 39 oıynnan keıin 50 upaımen 8-orynda keledi.

Eki komanda arasyndaǵy sońǵy on kezdesýdiń tórteýinde qazaqstandyq komanda jeńiske jete almaı júr.

Aıta ketsek, astanalyq klýb bıylǵy maýsymdy sátsiz ótkizip keledi.

Sońǵy 10 oıynnyń nebári tórteýinde jeńiske jetti.

Aıta ketsek, budan buryn elordalyq komandaǵa bas bapker mindetin atqarýshy qyzmetine Oleg Bolıakın taǵaınyndaldy.

Eske salsaq, budan buryn «Barys» aldaǵy oıynǵa qatysatyn quramyn jarııalady.