«Barys» qazaqstandyq úsh hokkeıshimen kelisimshart merzimin uzartty

ASTANA. KAZINFORM -  Qazaqstandyq hokkeıshiler Álıhan Ásetov, Samat Danııar jáne Tamırlan Gaıtamırovpen 2028 jyldyń 31 mamyryna deıin elordalyq «Barys» komandasynda oınaıtyn boldy.

Bul jóninde komandanyń baspasóz qyzmeti málim etti.

Óskemen hokkeı mektebiniń túlegi Álıhan Ásetov 1996 jyly dúnıege kelgen. 2012 jyly óz qalasynyń «Kaztsınk»-Torpedo» klýbynda alǵashqy oıynyn ótkizgen ol 2013 jyldan beri «Barys» quramyna qabyldandy. Al 2016 jyldan beri ulttyq quramada oıyn kórsetedi.

Astana hokkeı klýbynyń túlegi Samat Danııar 1999 jyly dúnıege kelgen, 2019 jyldan beri «Barys» quramyna qabyldandy. 2020 jyldan beri ulttyq qurama sapynda oıyn kórsetedi.

Tamırlan Gaıtamrov bıyl 25 jasqa toldy. 2020 jyldan beri elordalyq klýb namysyn qorǵaıdy, ulttyq qurama hokkeıshisi.

Aıta ketsek, «Barys» bıyl Qurlyqtyq hokkeı lıgasynda 24 upaımen 22-orynda tur.

Endi elordalyq klýb 30 jeltoqsanda Reseıdiń «Calavat ıÝlaev» (Ýfa) klýbymen sheberlik baıqasady.