Bankterge qandaı komıssııalar alýǵa tyıym salyndy

ALMATY. QazAqparat - Qazaqstanda ekinshi deńgeıli bankterge qandaı komıssııany talap etýge tyıym salynǵanyn Ulttyq bankte aıtyp berdi, dep habarlaıdy QazAqparat tilshisi.

«16-shildeden bastap «QR Qarjylyq qyzmet  tutynýshylarynyń quqyǵyn qorǵaý maqsatynda valıýtalyq retteý men baqylaý týraly zańy» qoldanysqa engizildi. Osyǵan oraı bankter kollektorlyq agenttikterde qaralǵan qaryzdy jabý kezinde komıssııa talap ete almaıdy», - dedi bankten.

«Problemalyq ıpotekalyq nesıesi bar tutynýshylardy qoldaý maqsatynda bankterge kepildemede turyp, keıin bank menshigine ótken baspanany jalǵa berýge ruqsat berildi», - dedi habarlamada.

Sonymen qatar, Ulttyq bank QR Ádilet mınıstrligimen birige otyryp, bankterde alımenttik tólem úshin ashylǵan shottardaǵy aqshadan qaryz jabýǵa tyıym salý týraly usynys berdi.

Munyń aldynda, bankterge ıpotekalyq nesıe úshin komıssııa alýǵa tyıym salynǵanyn habarlaǵan bolatynbyz.