Bankter ıpotekany qaıta qarjylandyrýdan 760 ret negizsiz bas tartqan
QR Qarjy naryǵyn retteý men damytý agenttigi ıpotekalyq boryshkerlerdiń shaǵymyn qaraıtyn arnaıy komıssııanyń jumysyn qorytyndylady.
2015 jyldyń basynan bastap arnaıy komıssııanyń talqylaýyna 5168 shaǵym túsken.
Onyń ishinde 2650 adamnyń ótinishiniń qanaǵattandyrylmaǵanyna tolyq negiz bar. Al bankter 760 ótinishti qanaǵattandyrýdan negizsiz bas tartqan.
1688 adamnyń ótinishin arnaıy ıpotekalyq baǵdarlama talaptarynyń ózgerýine baılanysty qaıta qarjylandyrýǵa bolady.
Qalǵan 70 ótinish komıssııa qaraýynda jatyr.
Qazaqstanda ıpotekalyq qaryzdardy qaıta qarjylandyrý baǵdarlamasy 2015 jyldan bastap jumys istep keledi.
«Qazir komıssııa qaraýynda 70 ótinish jatyr. Ár ótinish boıynsha medıtsınalyq uıymdar, áleýmettik uıymdardyń qorytyndysy keltirilgen. Bul shaǵymdar ár azamattyń jeke jaǵdaıyna qatysty qaralatyn bolady. Bıyldan bastap áleýmettik jaǵynan az qamtylǵan boryshkerlerge qatysty ıpotekalyq baǵdarlamaǵa ózgerister engizildi», - dedi QR Qarjylyq naryqty retteý jáne damytý Agenttiginiń Almaty óńirlik basqarmasynyń basshysy Sálıma Djýrýnova.
Onyń aıtýynsha, bankterdiń barlyǵy birdeı adamdardy áleýmettik az qamtylǵan topqa jatqyza bermeıdi. Ony dáleldeý úshin tutynýshy zań boıynsha sotqa júginýi tıis.
«Kommertsııalyq bankter kóbinese bizdiń usynystardy oryndaı bermeıdi. Mundaı jaǵdaıda biz ótinish berýshiniń múddesin qorǵaýǵa tyrysamyz. Komıssııa sheshimine qaramastan bank nelikten bas tartatynyn anyqtaımyz. Ótinish berýshi sotqa aryzdanǵan jaǵdaıda Agenttik oǵan barynsha kómek kórsetedi», - dedi sottan.
Qazaqstanda ıpotekalyq qaryzdardy qaıta qarjylandyrýdy 18 bank pen 3 ıpotekalyq uıym júzege asyrady.
