Bank qyzmetkerimin: Alaıaq Atyraý turǵynynyń 1,5 mln teńgesin jymqyrǵan

ATYRAÝ. QazAqparat – Ózin bank qyzmetkeri dep tanystyrǵan alaıaq Atyraý turǵynynyń 1,5 mln teńgesin jymqyrǵan, dep habarlaıdy QazAqparat.

Bul týraly oblystyq polıtsııa departamentiniń baspasóz qyzmetinen málim etti.

«Aryzdanýshynyń aıtýynsha, 2 qarasha kúni Atyraý qalasynda turatyn 29 jastaǵy turǵynǵa belgisiz adam WhatsApp jelisi arqyly ózin Halyq banktiń qyzmetkeri retinde tanystyrǵan. Sodan soń onyń esepshotynan belgisiz adamnyń nesıe rásimdep jatqanyn aıtyp, jeke málimetterin suraǵan. Sóıtip, atyraýlyq turǵynnyń banktegi esepshotynan 1 mln 500 myńǵa jýyq teńgesin alaıaqtyq jolmen basqa esepshotqa aýdaryp alǵany anyqtaldy» -dep habarlady departamenttiń baspasóz qyzmetinen.

Polıtsııa qyzmetkerleri jedel izdestirý jumystaryn júrgizip, Almaty oblysynyń 33 jastaǵy turǵynyn anyqtady. Qazir atalǵan derekke qatysty QR Qylmystyq kodeksiniń 190-babynyń 2-bóligimen (Alaıaqtyq) sotqa deıingi tergeý bastaldy.

Eske sala ketelik, budan buryn Atyraýda jyl basynan beri ınternettegi alaıaqtyqtyń 550 deregi tirkelgenin jazǵan bolatynbyz.