Balmuzdaq satyp kásip ashpaq bolǵan shymkenttik qomaqty qarjysynan aıyryldy

ShYMKENT. QazAqparat -Shymkent turǵyny kásip ashamyn dep qomaqty qarjysynan aıyryldy, dep habarlaıdy Polisia.kz.

Abaı aýdanynyń polıtsııa basqarmasyna jergilikti turǵyn júgingen. Ol óz aryzynda beıtanys azamat kelip, 2022 jyldyń sáýir aıynda «Qoshqar ata» demalys aımaǵynda balmuzdaq satatyn oryndy zańdastyryp beremin dep senimine kirgenin, osylaısha alaıaqtyq jolmen aldyn ala 500 myń teńge alyp ketkenin kórsetken. Tártip saqshylary atalǵan derekti QR QK-niń 190-babymen (Alaıaqtyq) tirkeýge aldy.

Polıtsııa qyzmetkerleri jedel-izdestirý is-sharalaryn júrgizip, nátıjesinde kúdiktiniń «izin sýytpaı» táýlik ishinde qolǵa túsirdi.Ol Shymkent qalasynyń 42 jastaǵy turǵyny bolyp shyqty. Joǵary bilimdi, ýaqytsha jumyssyz. Buryn-sońdy isti bolmaǵan. Tergeý kezinde ustalǵan azamat oılanbaı jasaǵan áreketiniń sońy qylmystyq jazamen aıaqtalatynyn bilmegendigin alǵa tartyp, bul úshin ókinetinin jetkizdi.Qazirgi kezde sotqa deıingi tergeý áreketteri jalǵasyp jatyr.