Balqash ortalyq aýrýhanasyna ókpeni jeldetý apparattary satyp alyndy

BALQASh. QazAqparat – Balqash qalasynyń ortalyq aýrýhanasynda sońǵy býyndaǵy ókpeni jasandy jeldetý apparattary paıda boldy. Olar demeýshilik qarajat esebinen satyp alyndy, dep habarlaıdy QazAqparat tilshisi.

Flight 60 apparattary jansaqtaý bólimshesinde ornatylǵan. Bul táýelsiz aýa kompressorlary bar zamanaýı jeldetý rejımderimen jabdyqtalǵan ámbebap, yqsham jáne kóp fýnktsııaly qurylǵylar.

«Bizdiń aýrýhanada jańa Flight 60 jeldetkishteri paıda boldy. Jabdyqtyń jalpy quny 39 mıllıon teńgeni quraıdy. Olar reanımatsııa bóliminde qoldanylady», – dep atap ótti medıtsınalyq mekeme ókilderi.

Flight 60 apparattarynan basqa, Balqashtyń ortalyq aýrýhanasynda qazaqstan-túrik jáne japon apparattary bar. Olardyń bir bóligin pandemııa kezinde demeýshiler satyp aldy.

Búgingi tańda Balqash ortalyq aýrýhanasynda 15 bólimshe jumys isteıdi. Bul aıyna 1,5 myńǵa jýyq patsıentke shuǵyl jáne josparly túrde medıtsınalyq kómek kórsetetin zamanaýı qurylǵylarmen jabdyqtalǵan kópsalaly klınıkalyq ortalyq. Medıtsına mekemesiniń táýlik boıǵy statsıonary 343 tósek-orynǵa eseptelgen. Kúndizgi statsıonar – 32 orynǵa.