Balqash kólinde tórt balyqshyny aǵys alyp ketti

ASTANA. KAZINFORM – Qaraǵandy oblysy Aqtoǵaı aýdanyndaǵy Balqash kólinde qıyn jaǵdaıǵa tap bolǵan 4 balyqshy qutqaryldy.

Olar qaıyqpen júzip, óz betimen jaǵaǵa shyǵa almaı qalǵan.

«Qutqarýshylar 30 mınýttyń ishinde qaıyqtaǵy balyqshylardy taýyp, jaǵaǵa shyǵardy. Balyqshylardyń eshqaısysy zardap shekken joq, olarǵa medıtsınalyq kómek qajet emes», - delingen Qaraǵandy oblysy tótenshe jaǵdaılar departamenti taratqan habarlamada.

Esterińizge salsaq, buǵan deıin Buqtyrmada qaıyqpen jaǵaǵa jete almaı qalǵan balyqshylarǵa qutqarýshylar kómekke kelgen edi.

Al, Mańǵystaýda qutqarýshylar bıyl sáýir aıynyń basynda Túpqaraǵan aýdanynyń aýmaǵynda teńizde joǵalyp ketken balyqshylardyń biriniń denesi tapqan bolatyn.