«Balqash» áýe aılaǵy kúrdeli jóndeýden keıin qaıta ashyldy
Áýe aılaǵy paıdalanýǵa bergen sátten 52 jyldan soń jóndeýden ótken. Alǵash ret 52 jyl ishinde áýe aılaǵynda kúrdeli jóndeý júrgizildi, ol 2 jylǵa sozyldy.
Áýe aılaǵy 1967 jyly kólemi shaǵyn ushaqtardy qabyldaý úshin salynǵan.
Ushý-qoný jolaǵy men áýe aılaǵynyń ınfraqurylym nysandarynyń kúrdeli jóndeý jumystarynan keıin qoný jolaǵyna, ushýǵa deıingi joldarǵa, ortalyq janar-jaǵarmaı jáne ushý apparattarynyń turaǵyna, alań oryndaryna beton jabyndary tóselgen. Janar-jaǵarmaı materıaldarynyń jańa qoımasy salynyp, joǵary qarqyndy jaryq beretin jabdyqtar, jeke janarmaı qondyrǵylary ornatyldy.
Kúrdeli jóndeý jumystary men qaıta qurýdan keıin áýe aılaǵynda jaýyngerlik kezekshilikti atqarý qalpyna keltirilip, ushý kezindegi qaýipsizdik aıtarlyqtaı jetildirilgen.
«Áýe qorǵanysy kúshterine kez kelgen ýaqytta eldiń áýe shepterin qorǵaýǵa daıyn jáne qabiletti bolý týraly jaýyngerlik mindet júktelgen. Daıarlyqtyń negizgi faktorlarynyń biri áskerı qyzmetshilerdiń qazirgi zamanǵy jaýyngerlik avıatsııalyq tehnıkany sapaly ıgerý jáne ushý sheberligin arttyrý boıynsha qyzmeti bolyp tabylady», - dep atap ótti QR Qorǵanys mınıstri Nurlan Ermekbaev áýe aılaǵynyń ashylýynda.
Qaıta ashylǵan «Balqash» áýe aılaǵy QR QK áýe kúshterin jumyldyrýdy qamtamasyz etý, kúsh pen quraldardy aýystyrý úshin mańyzǵa ıe. Óziniń ornalasýynyń arqasynda azamattyq áýe kemeleri úshin qosalqy nemese rezervtik áýe aılaǵy retinde paıdalanylýy múmkin.
Sonymen qatar, Aqtóbe qalasyndaǵy Áýe qorǵanysy kúshteri áskerı ınstıtýty kýrsanttarynyń ushý tájirıbesin júzege asyrý qaıta qalpyna keltirý josparlanýda.
Kúrdeli jóndeý kezinde ushý jáne ınjenerlik-tehnıkalyq quram Almaty oblysynyń «Jetigen» áýeaılaǵyna ornalastyryldy.
Kúrdeli jóndeý kezinde ushý jáne ınjenerlik-tehnıkalyq quram Almaty oblysynyń «Jetigen» áýeaılaǵyna kóshirildi. Qazirgi ýaqytta qaıta kóshirilgen jeke quram «Balqash» aerodromyna turaqty ornalasý pýnktine oraldy.
