Balamnyń emine aqsha kerek: ShQO-da alaıaq eki zeınetkerdi tuzaqqa túsirgen

ÓSKEMEN. QazAqparat – Shyǵys Qazaqstan oblysy Besqaraǵaı aýdanynda eki zeınetkerdi aldap soqqan er adamǵa qatysty qylmystyq is qozǵaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Besqaraǵaı aýdandyq polıtsııa bólimshesine 89 jastaǵy zeınetker júgingen.

Óz sózinde ol beıtanys er adamnyń «otyn ákelip beremin» dep 55 000 teńge alǵanyn jetkizdi.

Alaıda ol sol kúıi habarsyz ketken. Sondaı-aq polıtsııa qyzmetkerleri taǵy bir faktini anyqtady.

«72 jastaǵy zeınetker ózin áńgimege tartqan belgisiz bireýdiń «ulymnyń emine aqsha kerek» dep kómek suraǵanyn aıtty. Oıyna esh sekem kelmegen ol alaıaqqa 20 000 teńge bergen. Tártip saqshylary jedel-izdestirý sharalary barysynda buryn sottalǵan 45 jastaǵy er adamdy qolǵa túsirdi. Belgili bolǵandaı, ol buǵan deıin de sottalǵan», - dep habarlady vedomstvo ókilderi.

Qazirgi ýaqytta atalǵan fakti boıynsha QR QK 190-baby 1-bóligine (Alaıaqtyq) sáıkes sotqa deıingi tergeý amaldary júrgizilip jatyr.