Balalardyń múddesin qorǵaý máselesi keńinen talqylandy
Oǵan Astana qalasynyń kámeletke tolmaǵandar isteri jónindegi mamandandyrylǵan aýdanaralyq sotynyń tóraǵasy N.R. Razzaq, sýdıa I.I. Kern, Astana qalasy Saryarqa aýdandyq prokýratýrasy ókilderi, Astana qalasynyń sot aktilerin oryndaý departamenti ókili, Astana qalasynyń qylmystyq atqarý ınspektsııasynyń jáne Astana qalasy ІІB-nyń qyzmetkerleri, Astana qalasy Ádilet departamentiniń AHAT jáne apostıldeý bóliminiń mamany, Astana qalasynyń mamandandyrylǵan balalar úıi jáne balalar úıi ókilderi, Astana qalasynyń kámeletke tolmaǵandar boıynsha zań keńesiniń qorǵaýshylary qatysty. Sot tóraǵasy N.R. Razzaq dóńgelek ústeldi ashyp, áriptesteri men qonaqtardy memlekettik mereke bolyp sanalatyn Qazaqstan Respýblıkasynyń Konstıtýtsııasy kúnimen quttyqtady. Memlekettik organdardyń ókilderi qylmystyq, azamattyq, ákimshilik ister boıynsha sot aktilerin oryndaý tártibin talqylady. Atap aıtqanda, QAIK organdary tarapynan sot aktileriniń oryndalýyn qabyldaý týraly habarlamalardyń ýaqytynda joldanbaıtyndyǵy, zattaı dáleldemelerdiń der kezinde oryndalmaıtyndyǵy atap ótildi. Asyrap alynatyn balanyń alǵashqy esepte tirkelgendigin rastaıtyn qujatty jáne balany asyrap alýdyń dáleldiligi týraly qorytyndyny berý máseleleri týraly qamqorshylyq jáne qorǵanshylyq organynyń ókili D.T. Qojahmetova aıtyp berdi. Dóńgelek ústeldi ótkizý barysynda AHAJ organdary tarapynan sot aktilerin oryndaý úshin qabyldanǵandyǵy týraly tıisti habarlamalar jónindegi máseleler qaraldy. Jıynǵa qatysýshylar memlekettik organdardan asyrap alynǵan balalarǵa qatysty málimetter talap etilgende balany asyrap alý qupııasyn saqtaý qajettigi týraly pikirlerin bildirdi, sonymen qatar BAATJ, EQABJ bazalary arqyly balany asyrap alýǵa qatysty sot sheshimderin oryndaý úshin AHAJ organyna, prokýratýra, qamqorshylyq jáne qorǵanshylyq organyna joldanǵanda balany asyrap alý qupııasyn saqtaý qajettigi jóninde óz pikirlerin ortaǵa saldy. Dóńgelek ústeldi ótkizýdiń jáne talqylanǵan máselelerdiń qorytyndysy boıynsha kámeletke tolmaǵan balalardyń múddelerin qorǵaýǵa baǵyttalǵan usynystar qabyldandy.