Balalardy mektepte vaktsınalaýdyń artyqshylyqtary qandaı – Ajar Ǵınııat

NUR-SULTAN. QazAqparat – QR densaýlyq saqtaý vıtse-mınıstri Ajar Ǵınııat balalar vaktsınatsııasyn mektepte júrgizýge qatysty pikir bildirdi, dep habarlaıdy QazAqparat tilshisi.

Ajar Ǵınııat pen Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova balalar vaktsınatsııasyn baqylaý úshin elordalyq №71 mektep-lıtseıge bardy.

«Balalardy mektepte egýge kelsek, mektep – balanyń ózine úırenshikti tanys ortasy. Ekinshiden, balalar úshin qaýipsiz orta, óıtkeni emhanalarǵa basqa da naýqastar keledi, qazir vırýstyq-epıdemologııalyq kezeń, aýrýlar asqynyp jatyr. Sondyqtan bala densaýlyǵyna esh qater bolmaýy úshin mektepterdiń ekpe kabınetterinde de vaktsınalaýdy uıymdastyrýdy uıǵardyq», - dedi dedi Ajar Ǵınııat tilshilerge bergen suhbatynda.

Vıtse-mınıstrdiń aıtýynsha, balalar jospar boıynsha kelip ekpeni alady, bir balanyń qobaljyǵany ekinshi balaǵa berilmeý úshin kóp bala jınalmaıdy.

«Ekpeden keıin de jarty saǵat kútip otyratyn arnaıy kabınet bar, ıaǵnı bar jaǵdaı jasalǵan. Ásirese jańa mektepterde barlyq jaǵdaı bar, árbir balaǵa jiti kóńil bólinedi. Bir jaǵynan muǵalimder de balanyń ekpe alǵanyn bilip otyrady, dárigerlermen birge jaǵdaıyn qadaǵalap otyrady. Mektep basshylaryna da túsinistik tanytyp, medıtsınalyq qyzmetkerlerge kómektesip jatqanyna alǵys aıtqym keledi. Balalar aýyryp, qaıta-qaıta karantınge jabylsa, bilimniń de sapasy bolmaıtyn edi», - dedi A. Ǵınııat.

Aıta keteıik, Qazaqstanda 3 300 bala Pfizer vaktsınasyn saldyrdy jáne eshqaısysynan qatty janama áser baıqalǵan joq.