Balalar úshin avıabılet qunyn sýbsıdııalaý tártibi ózgermek
Qujat «marshrýt túbirtegi», «elektrondyq bılet» sııaqty termındermen tolyqtyrylǵan.
«Qazaqstan Respýblıkasynyń aýmaǵynda kámeletke tolmaǵan jolaýshylardy áýemen tasymaldaý kezinde týrıstik ónimge qosylǵan bılet qunyn sýbsıdııalaýǵa arnalǵan ótinimdi tıisti kúntizbelik jyldyń birinshi jumys kúninen bastap 1 jeltoqsanyna deıin qaǵaz nemese elektrondyq nysanda poshta ne qolma-qol qujattar arqyly joldaıdy», - dep kórsetilgen buıryq jobasynda.
Ótinim berýshi Qazaqstan Respýblıkasynyń azamaty nemese Qazaqstan Respýblıkasynda turaqty turýǵa ruqsaty bar azamattyǵy joq tulǵa bolyp tabylatyn kámeletke tolmaǵan jolaýshyǵa bılettiń nemese elektrondyq bılettiń, marshrýttyq túbirtektiń jáne jolaýshylar kýponynyń nemese avıakompanııa bıletin paıdalaný týraly rastaý-anyqtamasynyń kóshirmelerin usynýy tıis.
Jańa ózgeristerdiń biri ótinishti qaraý merzimine qatysty. Atap aıtqanda, buryn bılet qunyn sýbsıdııalaý ótinishi 10 kúnde qaralsa, endi ol 7 jumys kúnine deıin qysqarmaq.
Sondaı-aq sýbsıdııa beretin uıym qarajatty týrıstik operatordyń esepshotyna 25 kúnde aýdarmaq. Buǵan deıingi erejede ol 45 kún bolatyn.
«Sheshimder qabyldaýdyń tıimdiligi men jedeldigin arttyrý maqsatynda týroperatorlarǵa sýbsıdııa tóleý sharasyn praktıkalyq iske asyrý negizinde 45 jumys kúninen 25 jumys kúnine deıin qysqartý usynylady», - delingen mınstrlik buıryǵynda.
Sýbsıdııa retinde beriletin qarjy ekinshi deńgeıdegi bankterdiń birinde ashylǵan ishki týrızm salasyndaǵy týroperatordyń esep shotyna aýdarylady.
Buıryqty ashyq talqylaý 17 qarashaǵa deıin jalǵasady
Foto: media.cntraveler.com