Balalar sýburqaqqa shomylý arqyly vırýs juqtyrýy múmkin

ASTANA. QazAqparat – Balalar sýburqaqqa shomylý arqyly vırýs juqtyrýy múmkin. Bul týraly Astana qalalyq jedel járdem stantsııasy aqparattyq-jedel dıspetcherlik bóliminiń meńgerýshisi Sabyr Narqulov aıtty, dep habarlaıdy QazAqparat tilshisi.

«Aýa raıyna baılanysty jeńil kıinińiz. Basyńyzǵa jeńil qalpaq kıip, kúnnen qorǵaıtyn kózildirik taǵyńyz. Aǵzańyzdyń sýsyzdanýyna jol bermeý úshin ózińizben birge sý alyp júrińiz. As úlesinen maıly jáne qýyrylǵan taǵamdardy alyp tastaý usynylady. Bul taǵamdar aǵzaǵa shamadan tys júkteme túsiredi. Sonymen qatar alkogolden, shól qandyrmaıtyn gazdalǵan jáne tátti sýsyndardan bas tartqan jón. Eń durysy, as mázirińizde dárýmenge baı ári aǵzaǵa tez sińetin kókónister men sorpalar bolǵany jón», - dedi ol.

Onyń atap ótýinshe, kúndizgi ýaqytta terezelerdi jaýyp, al keshki ýaqytta bólmelerdi salqyndatý úshin terezelerdi ashý qajet.

«Aýabaptaǵyshtar da qaýipti. Temperatýranyń birden aýysýy joǵary tynys joldarynyń, aýryna, dene qyzýynyń kóterilýine, sýyq tııýge alýyp kelýi múmkin ekenin eskertemiz. Balalar sýburqaqta shomylý arqyly vırýstar men zııandy mıkroorganızmderdi juqtyryp alýy da múmkin. Daladan kele sala sýyq sýǵa shomylmańyz. Bul basqa da aýrýlarǵa túrtki bolýy yqtımal», - dedii Sabyr Narqulov.