Balalar arasynda gepatıttiń órshýine ne sebep bolǵany anyqtaldy
Olar júrgizgen zertteý qorytyndysyna sáıkes, Covid-19 pandemııasy bastalǵaly gepatıttiń keń taraǵan eki vırýsyna shaldyǵý jaǵdaılary sırek kezdesip, kóptegen elderde engizilgen qatań shekteý sharalary alynǵan soń oqshaýlaý kezinde álsiregen ımmýnıtetke «shabýyl» jasap, balalar mekemelerinde belsendi tarala bastaǵan.
Vırýs saldarynan 35 eldegi 1000-nan astam bala gepatıtke shaldyqty. Naýqastardyń kóbi - bes jasqa tolmaǵan balalar.
Olardyń keıbireýlerinde ınfektsııanyń aýyr bolǵany sonshalyq, balany qutqarýdyń jalǵyz joly – aýrýdan zardap shekken organnyń transplantatsııasy boldy.
Ulybrıtanııanyń ózinde ǵana gepatıtke shaldyqqan 12 balaǵa baýyr transplantatsııasy otasy jasaldy.
London men Glazgodaǵy zertteýshilerdiń eki toby koronavırýs kezindegi shekteýlerge baılanysty eki jyl boıy qurdastarymen baılanysa almaǵan balalar keıinirek ádette náreste kezinde qalyptasatyn ımmýnıtettiń bolmaýynan eki ınfektsııaǵa tap bolǵan degen qorytyndyǵa keldi.
Salqyn tııý men asqazannyń buzylýyn týdyratyn adenovırýs (AAV2) ádette aýrýdy ózdiginen týdyrmaıdy, óıtkeni onyń jasýshalarynyń kóbeıýi tek bir ýaqytta «kómekshi» adenovırýsty juqtyrǵan jaǵdaıda ǵana paıda bolady.
Ǵalymdardyń aıtýynsha, bul keıbir balalarda baýyr aýrýynyń nelikten asqynǵanyn túsindirip otyr.
Foto: sanger.ac.uk