Balalalar arasynda kavasakıge uqsas sındrom aýrýy artýy múmkin - dáriger pikiri

NUR-SULTAN. QazAqparat - Balalalar arasynda kavasakıge uqsas sındrom aýrýy artýy múmkin. Mundaı pikirdi «Astana medıtsına ýnıversıteti» kommertsııalyq emes aktsıonerlik qoǵamy balalar ınfektsııalyq aýrýlary kafedrasynyń meńgerýshisi, medıtsına ǵylymdarynyń doktory Dınagúl Baesheva bildirdi, dep habarlaıdy QazAqparat tilshisi.

«Koronavırýs ınfektsııasy kez kelgen jasqa, balalarǵa da, eresekterge de juǵatyndyǵyn atap ótken jón. Balalar da koronavırýs ınfektsııasymen aýyrady. Degenmen, olarda eresekterge qaraǵanda aýrý birshama jeńil ótedi. Balalar kóbine sımptomsyz túrin tasymaldaýshy bolady. ıAǵnı, olarda aýrýdyń eshqandaı belgisi baıqalmaıdy. Alaıda, koronavırýs ınfektsııasymen aýyrǵan balalalarda 2-4 apta ótkennen keıin mýltıjúıeli qabyný sımptomy paıda bolýy múmkin ekendigin esten shyǵarmaý qajet. Mundaı kezde birqatar aǵza men júıe zaqymdanyp, balanyń jaǵdaıy óte aýyr bolady. Dene qyzýy únemi joǵary bolyp, dárige de túspeıdi. Teride bórtpe paıda bolyp, ókpe, bas mıy, býyndar qabynady. Sondyqtan da balalardy koronavırýs ınfektsııasyn juqtyryp almaýy úshin barynsha qorǵaǵan durys bolar edi», - dedi Dınagúl Baesheva.

Osy rette dáriger el azamattaryn mamandardyń keńesine qulaq asýǵa shaqyrdy.

«Árıne, balalar oınaǵysy, dostarymen kezdeskisi keledi. Degenmen, olar vırýs juqtyryp almaýy úshin barynsha qorǵaý qajet. Keı adamdarda «balalar qazir aýyryp alsyn, sodan keıin olarda turaqty ımmýnıtet qalyptasyp, aýyrmaıtyn bolady», degen jaqsaq pikir bar. Ókinishke qaraı, búginde mundaı pikirdiń durys ekendigin dáleldeıtin esh dáıek joq. Balalardyń aýrýyp qalǵany týraly derekter kúnnen kúnge aýysyp otyrady. Mundaı aqparat barlyq ýaqytta da ashyq. Aqparattar durys ári naqty beriledi. Densaýlyq saqtaý mınıstrline bul málimetterdi jasyrýǵa esh sebep te joq. Aýrý búkil álemde taralyp otyr jáne ol kúndelikti ómirde adamnan adamǵa tez juǵady», - dedi medıtsına ǵylymdarynyń doktory.

Sonymen qatar ol balalalar arasynda kavasakıge uqsas sındromnyń ótý múmkindigi bar ekendigin de jasyrmady.

«Men kavasakıge uqsas sındrom boıynsha tártiptik komıssııasynyń múshesimin. Búginde balalar arasynda mundaı sındromnyń ósimi baıqalyp otyrǵan joq. Biraq, aýrýdyń sál keıinirek, ıaǵnı belgili bir ýaqyttan paıda bolýy múmkin ekendigin de esten shyǵarmaýǵa tıispiz. Osynaý epıdemıologııalyq tsıkldiń óz zańy bar. Sondyqtan salǵyrttyqqa jol berýge bolmaıdy. Barlyq ýaqytta saqtyq sharalaryn qaperden shyǵarmaı ınfektsıonıst dárigerdiń usynystaryn ustaný qajet», - dedi Dınagúl Baesheva.