Balabaqshaǵa qabyldaýdyń jeńildetilgen júıesi engizildi- meńgerýshi
«Elbasy óziniń bıylǵy Joldaýynda: «Mektepke deıingi bilim berý sapasyn túbegeıli jaqsartý kerek. Oılaý negizderi, aqyl-oı men shyǵarmashylyq qabiletter, jańa daǵdylar sonaý bala kezden qalyptasady. Bilim berý isinde 4K modeline: kreatıvtilikti, synı oılaýdy, kommýnıkatıvtilikti damytýǵa jáne komandada jumys isteı bilýge basty nazar aýdarylýda. Bul salada biliktilik talaptaryn, oqytý ádisin, tárbıeshilerdiń jáne balabaqshadaǵy basqa da qyzmetkerlerdiń eńbegine aqy tóleý júıesin qaıta qaraý qajet», - dep atap ótken edi. Joldaý biz úshin jańa beles jáne pedagogtardyń bilim deńgeıiniń sapasynyń kóterilýi dep bilemin. Qujat mektepke deıingi bilim salasynyń aldyna eleýli mindetter qoıyp otyr», - dedi balabaqsha meńgerýshisi.
Tileýles Sabyrova bilim qaı zamanda bolmasyn ózekti ári qajetti faktorlardyń biri bolyp kele jatqandyǵyn atap aıtty.
«Qazir balalarymyzdyń sapaly jáne sanaly tárbıe alý úshin, óte kóp sharalar jasalyp jatyr. Buryn jalǵa berilip nemese jekeshelendirilip ketken mektepke deıin mekemeler qaıtarylyp, qaıta bilim ordasyna aınalýda. Solardyń biri Almaty qalasynyń Dorojnık yqsham aýdanyndaǵy №170 balabaqsha. Mektepke deıingi uıymǵa kezekten tys oryn alý quqyǵy - sandyq júıemen qolǵa alyndy. Open-Almaty júıesimen elektrondy mátindi habarlama boıynsha alynǵan joldama arqyly balalardy balabaqshaǵa qabyldaý jeńildetilgen júıesi engizildi. Sonymen qatar, balabaqsha kz.saıtynda mekemeniń ujymdyq jumystary kórsetilip otyrady», - dedi T.Sabyrova.
Eske sala ketsek, 5 qazan kúni Prezıdent Nursultan Nazarbaev Aqordada Qazaqstan halqyna jyl saıynǵy Joldaýyn jarııalady.
Strategııalyq qujat elimizdiń áleýmettik-ekonomıkalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterine arnalǵan.
