Bala tárbıesine salǵyrt qaraǵan 700 ata-ana quqyǵynan aıryldy

Bala tárbıesine salǵyrt qaraǵan 700 ata-ana quqyǵynan aıryldy, dep habarlaıdy Kazinform.

«Balalarǵa qatysty jasalatyn zorlyq-zombylyq áreketteriniń taǵy bir sebebi jergilikti atqarýshy organdardyń otbasylarmen jumysynyń tıimsizdigimen baılanysty. Jyl saıyn balalardy tárbıeleý jáne oqytý jónindegi mindetterdi oryndamaǵany úshin 6 myńnan astam ata-ana ákimshilik jaýapqa tartylady. Polıtsııanyń dereginshe, 700-ge jýyq ata-ana quqyǵynan aıryldy. Otbasylyq jaǵdaı ishki ister organdarynyń quzyretinen tys sheshiletin áleýmettik-turmystyq sıpattaǵy problema», - dedi ІІM ákimshilik polıtsııa komıtetiniń tóraǵasy Qaısar Sultanbaev OKQ- ótken brıfıngide.

Spıkerdiń málimdegenindeı, múddeli memlekettik organdarǵa osyndaı otbasylarǵa kómek kórsetý týraly tıisti habarlamalar joldandy.

«Qolaısyz otbasylardaǵy jaǵdaıdy saýyqtyrý úshin kámeletke tolmaǵandardyń turmystyq máselelerin sheshý boıynsha keshendi áleýmettik kómek kórsetý kerek. Sondaı-aq olar medıtsınalyq-psıhologııalyq qyzmetter alýy qajet», - deıdi komıtet basshysy.

Múddeli memlekettik organdarǵa osyndaı otbasylarǵa kómek kórsetý týraly tıisti habarlamalar joldandy.