Bala asyrap alǵysy keletin azamattar qandaı qujat jınaýy tıis

ASTANA. KAZINFORM — Jaqynda senator Gennadıı Shıpovskıh elimizde bala asyrap alý protsesi tym uzaq ekenin aıtyp, depýtattyq saýal joldaǵan bolatyn. Neke jáne otbasyna qatysty qoldanystaǵy zańnamada bala asyrap alý tártibi egjeı-tegjeıli qarastyrylǵan. Al protses qujat jınaýdan bastalatyny belgili. Osy oraıda, Oqý-aǵartý mınıstrliginen qujattar tizimin naqtyladyq. 

бала, ата-ана
Фото: pixabay.com

- «Neke jáne otbasy týraly» QR Kodeksiniń qabyldanýymen qazaqstandyq azamattardyń bala asyrap alý rásimi jeńildetildi. Balany asyrap alýǵa tilek bildirgen adam turǵylyqty jeri boıynsha qorǵanshylyq nemese qamqorshylyq jónindegi fýnktsııalardy júzege asyratyn organǵa ótinish, jeke basyn kýálandyratyn qujattardy, otbasy jaǵdaıy týraly, densaýlyq jaǵdaıy, sottalmaǵandyǵy týraly anyqtamany, jaqyn týystarynyń kelisimin, turǵyn úıiniń bolýy jáne jalaqysy týraly anyqtamany, sondaı-aq jetim balalar men ata-anasynyń qamqorlyǵynsyz qalǵan balalardy (balanyń jaqyn týystaryn qospaǵanda) otbasynda tárbıeleýge qabyldaýǵa tilek bildirgen adamdardyń daıarlyqtan ótkeni jónindegi sertıfıkatty usynady, - delingen mınıstrliktiń Kazinform agenttigine bergen jaýabynda.

ınfografıka
Foto: Kazinform

Vedomstvo aqparatyna qaraǵanda, bala asyrap alýǵa úmitker dep tanylǵannan keıin, ol balany tańdap, balamen jaqyn tanysý úshin eki apta ýaqyt beriledi. Sodan keıin ǵana qujattardy sotqa daıyndaýǵa mindetti. Bala asyrap alý týraly túpkilikti sheshimdi sot qabyldaıdy.

Eske salsaq, byltyr Bala quqyqtary jónindegi ýákil Dınara Zákıeva balalardy resmı nekede turmaǵan er adamdardyń qamqorlyǵyna berýge tyıym salý kerektigin málim etti. 

Budan buryn habarlanǵandaı, bıyl shilde aıynda Konstıtýtsııalyq sot erler men áıelder bala asyrap alǵysy keletinderdiń tiziminde teń dárejede ekenin jarııalady.

Сейчас читают