Bala asyrap alatyn otbasylarǵa qandaı talaptar qoıylady

Elimizde bala asyrap alý úshin keıbir qujattardy elektrondy formatta tapsyrýǵa bolady, dep habarlaıdy Kazinform Oqý-aǵartý mınıstrliginiń baspasóz qyzmetine silteme jasap.

«Qazaqstanda óz azamattarymyz úshin bala asyrap alý rásimi óte qarapaıym. Bala asyrap alýǵa nıet bildirgen azamat qorǵanshylyq nemese qamqorshylyq organyna myna qujattardy usynady: ótinish, jeke basyn kýálandyratyn qujattar, otbasylyq jaǵdaıy, densaýlyǵy jáne sottalmaǵany týraly anyqtama, jaqyn týystarynyń kelisimi, baspanasy bar ekenin dáleldeıtin qujat jáne tabysyn rastaýy kerek», - deıdi mınıstrlikten.

Aqparatta aıtylǵandaı, búgingi kúni qujattardyń bir bóligin elektrondy úkimet portaly arqyly memlekettik qyzmet túrinde alýǵa bolady, bul qujat jınaý ýaqytyn qysqartady.

«Sonymen qatar, qujattardy elektrondy úkimet portaly arqyly jiberýge bolady. Bala asyrap alýǵa úmitker retinde tanylyp, balany tańdaǵannan keıin olar 2 apta jaqyn qarym-qatynasta bolady», - delingen habarlamada.

Shetel azamattary 16 ataýdan turatyn qujattar paketin usynady jáne balamen 4 aptalyq qarym-qatynastan ótedi.

Aıta keteıik, bıyl qazaqstandyqtar 200-ge jýyq balany asyrap aldy.