Baqytjan Saǵyntaev nemis kásipkerlerimen kezdesti
Kezdesý barysynda Germanııamen saýda-ekonomıkalyq yntymaqtastyqty odan ári damytý, sonyń ishinde eksporttyq-ımporttyq operatsııalardy ulǵaıtý, jetkiziletin taýarlar men qyzmet túrlerin keńeıtý jáne eki memlekettiń bıznes ortalary arasynda tikeleı baılanystar ornatý máseleleri talqylandy.
Baqytjan Saǵyntaev Germanııa elimizdiń Eýropalyq Odaqtaǵy negizgi seriktesteriniń biri ekenin jáne Qazaqstan ózara tıimdi yntymaqtastyqty nyǵaıtýǵa múddeli ekenin atap ótti.
Saýda-ekonomıkalyq yntymaqtastyq jónindegi úkimetaralyq jumys tobynyń áleýetin, Qazaqstan-Germanııa iskerlik keńesiniń jáne Shıkizat, ónerkásiptik jáne tehnologııalyq salalardaǵy seriktestik týraly úkimetaralyq kelisimniń áleýetin barynsha paıdalanǵan jón, dep atap ótti B. Saǵyntaev.
Nemis kompanııalary jumys isteıtin jáne belsendi túrde óz kapıtaldaryn salatyn negizgi salalar - qurylys, saýda, ónerkásiptik óndiris, ken oryndaryn ıgerý, al perspektıvaly baǵyttar retinde energetıka, hımııa jáne týrızm salasy atalyp ótti.
Qazaqstanda 10 arnaıy ekonomıkalyq jáne 20 ındýstrııalyq aımaq belsendi jumys isteıdi, olardyń aıasynda ınvestorlar qajetti ınfraqurylymmen qamtamasyz etilip, memlekettik qoldaý alady. Osyǵan baılanysty Germanııanyń iskerlik ortalary elimizdegi ındýstrııalandyrý protsesine, tsıfrlyq jáne kóliktik-logıstıkalyq ınfraqurylym salasyndaǵy birlesken jobalardy iske asyrýǵa, Indýstrııa 4.0 tehnologııalary men quzyretterin júzege asyrýǵa, derekterdi óńdeý ortalyqtaryn damytýǵa qatysýǵa shaqyrtý aldy.
Anyqtama: Qazaqstan men Germanııa arasyndaǵy syrtqy taýar aınalymy 2018 jyldyń qańtar-aqpan aılarynda $338,5 mln qurady, bul 2017 jyldyń osyndaı kezeńimen salystyrǵanda 54,5%-ke ($219,1 mln) ulǵaıǵan. 2017 jyly taýar aınalymy $1,9 mlrd qurady (eksport - $418,2 mln, ımport - $1,5 mlrd), al 2016 jyly taýar aınalymy $1,7 mlrd qurady (eksport - $262 mln, ımport - $1,44 mlrd).
