«Baqyt ta, baılyq ta, ómir de óz elimizde» - baspasózge sholý
* * *
Keshe Táýelsizdik saraıynda Qazaqstan Respýblıkasynyń Prezıdenti, «Nur Otan» partııasynyń Tóraǵasy Nursultan Nazarbaevtyń tóraǵalyǵymen partııanyń kezekten tys HVІІ sezi ótti. Osy jaıt arqaý bolǵan maqala el gazeti «Egemen Qazaqstanda» «Baqyt ta, baılyq ta, ómir de óz elimizde» degen taqyryppen berildi. Basylymnyń jazýynsha, sezde negizgi baıandamany Elbasy «Nur Otan» partııasynyń Tóraǵasy N.Á.Nazarbaev jasady. Memleket basshysy óz sózinde eldi damytýdyń negizgi máselelerine toqtalyp, «Nur Otan» partııasynyń aldyna jańa saılaýaldy baǵdarlamasyna qatysty birqatar naqty mindet qoıdy. Qazaqstan Prezıdenti byltyr bastalǵan Bes ınstıtýttyq reformany zańnamalyq turǵydan qamtamasyz etý úshin 59 jańa zań qabyldanǵanyn aıtty. Biz eńbek adamdaryna «Jumyspen qamtý-2020» Jol kartasynyń mańyzdylyǵyn arttyrý arqyly qoldaý kórsetemiz. 2015 jyly «Nurly Jol» baǵdarlamasyna 770 mıllıard teńge qarastyryldy, ol 93% ıgerildi. 500 shaqyrymǵa jýyq avtomobıl joly salyndy, qaıta jóndeldi. 7000 páter salyndy, oǵan qosymsha Turǵyn úı qurylys-jınaq banki arqyly 3700 páter berildi, sondaı-aq, 51 bilim berý nysany iske qosyldy. Kásipkerlikti qoldaýǵa 100 mıllıard teńge bólindi. Agroónerkásip keshenine, avtoóndirýshilerge jáne basqa da salalarǵa kómek kórsetildi. Bul bir jylǵy jumystyń nátıjesi. Aldaǵy ýaqytta jeke bıznesti, jumysshylardy qaıta daıarlaý jáne biliktiligin arttyrý isin qarjylandyrý kólemi ulǵaıtylady. Jalpy, «Nurly Jol» jobalaryn júzege asyrý barysy taıaý jyldarda 400 myń jumys ornynyń ashylýyn qamtamasyz etedi, dedi Nursultan Nazarbaev.
«Egemen Qazaqstan» gazetiniń jazýynsha, Almaty qalasynda 1 aqpannan bastap memlekettik balabaqshalarda bir bala úshin tólenetin aqy quny 15 myń teńgeden aspaıdy. Bul jóninde depýtattar Almaty qalasy máslıhatynyń 50-shi sessııasynda biraýyzdan qaýly qabyldady. «Esterińizge sala keteıik, «Nur Otan» partııasy Almaty qalalyq fılıalynyń fraktsııasy 2016 jyldyń 22 qańtarynda memlekettik balabaqshalardy sharýashylyq esepten memlekettik tapsyrysqa kóshirý jóninde bastama kótergen edi. Budan bylaı, memlekettik balabaqshalarǵa baratyn eki jastan bes jasqa deıingi 17 000 búldirshin úshin tek tamaqtaný quny ǵana tólenetin bolady. Osy maqsatqa jergilikti bıýdjetten ótken jyldyń qorytyndysy boıynsha únemdelgen qarjydan 3 mlrd. teńge bólinip otyr», dep jazady basylym. Sonymen qatar sessııa barysynda qala ákimi Baýyrjan Baıbek turmysy tómen otbasylarynyń problemalaryn sheshý múmkindikteri bar ekenin atap ótken. «Sonyń arqasynda búgin balabaqsha qunyn kóterýdiń ornyna 17 myń búldirshin úshin tólenetin aqyny tómendettik. Nátıjesinde, árbir otbasy 20 000 teńgege jýyq aqshany únemdeıtin bolady», dedi ol. Almatylyqtar úshin jaǵymdy jańalyq bas basylymnyń senbilik sanynda «Balabaqshaǵa barý baǵasy eki ese tómendemek» degen taqyryppen basylǵan.
***
«Aıqyn» gazetiniń búgingi sanynda QR Ortalyq saılaý komıssııasynyń hatshysy Baqyt Meldeshovpen aradaǵy suhbat «Bizdiń saılaý ótkizýge ázirligimiz joǵary» degen taqyryppen basyldy. Onda komıssııa hatshysy aldaǵy Májilis pen barlyq deńgeıdegi máslıhat depýtattaryna qatysty biraz jaıttarmen bólisken. Onyń alǵa tartqan derekterine qaraǵanda, eki saılaýdy qatar ótkizý saıası naýqandardy ótkizýge bólinetin bıýdjet qarajatyn edáýir, atap aıtqanda 4,8 mıllıard teńgege únemdeýdi qamtamasyz etip otyr. Jalpy alǵanda, aldaǵy birikken saılaý naýqanyna 7 mıllıard 985 mıllıon 300 myń teńge bólinýde. Májilis pen máslıhat saılaýlaryn jeke-jeke ótkizgenimizde, shamamen 12,8 mıllıard teńge shyǵyndalatyn edi. «Saılaý naýqanyna arna tartatyn 8 mıllıardqa jýyq qarjynyń 53%-y saılaý komıssııalary múshelerine tólenetin eńbekaqy esebinen. Bul rette, zańnamaǵa sáıkes, memlekettik qyzmetshi bolyp tabylatyn saılaý komıssııalarynyń múshelerine eńbekaqy tólenbeıdi. Biraq, olarǵa mereke jáne demalys kúnderindegi jumysy úshin ústemeaqy beriledi», - deıdi ol.
***
«Madrıdtiń «Realy» qazaqstandyq balalarǵa úlken fýtboldyń qyr-syryn úıretetin bolady», dep jazady «Vremıa» gazeti «Real plohomý ne naýchıt» degen taqyryptaǵy maqalasynda. Basylymnyń atap ótýinshe, naýryz aıynyń sońynda Almatyda alǵash ret 6-17 jas aralyǵyndaǵy balalar arasynda ótetin arnaıy kýrsty Real Madrid Foundation jattyqtyrýshylary uıymdastyrmaq. Bul fýtbol kýrsy AQSh, Kanada, Eýropanyń birqatar elinde, Japonııa men Qytaıda óte joǵary deńgeıde uıymdastyrylǵan bolatyn.
***
Ońtústik Qazaqstan oblysyna qarasty Báıdibek aýdanynyń ortalyǵy Shaıan aýylyn arab ınvestory abbattandyrmaq. Aýdandyq ákimdik pen BAÁ kásipkeri Al-Baıdanı Mohammed Saleh Hasan arasyndaǵy sáıkesinshe kelisimge qol da qoıylǵan. Bul jaıynda «Kazahstanskaıa pravda» gazetiniń búgingi sanyndaǵy «Arabskıı kapıtal ızmenıt Shaıan» degen taqyryptaǵy maqalada aıtylǵan. Basylymnyń jazýynsha, arab ınvestory 1 mln. 700 myń dollar qarjy quıyp, aýyldyń áleýmettik ınfraqurylymy men abbatandyrylýyn jaqsarta túspek. Aıta keterligi, atalǵan qarjyǵa aýyldyń ortalyq sabaǵy men stadıony jańartylyp, onda voleıbol, basketbol, gımnastıka jáne fýtbol alańdary paıda bolady. Munan bólek, arab ınvestory jabyq basseın salýdy da josparlap otyr.
