Bakýdegi qazaq kınosynyń marafony sátti ótti

ASTANA.KAZINFORM - Ázerbaıjan astanasynda Qazaqstan men Ázerbaıjan arasyndaǵy mádenı yntymaqtastyq aıasynda uıymdastyrylǵan Qazaq kınematografııasynyń aılyǵy bastaldy. Kórermenderge zamanaýı jáne tarıhı qazaq kınematografııasyna arnalǵan mazmundy baǵdarlama usynyldy, dep habarlaıdy Kazinform menshikti tilshisi.

Kınomarafonnyń ashylýy belgili rejısser Aıdyn Sahamannyń qazaq estradasynyń tarıhynda mańyzdy ról atqarǵan aty ańyzǵa aınalǵan mýzykalyq ansambl týraly baıandaıtyn «Dos-Muqasan» fılminiń kórsetilimimen súıemeldendi.

Odan keıin ashyq aspan astyndaǵy kınoteatr ekrandarynda avtor Oljas Nurbaıdyń «Alaıaqtar» fılminiń kórsetilimi ótip, onda avtor jıi kezdesetin alaıaqtyq shemalardy zerttep, saýattylyqtyń mańyzdylyǵyna toqtalady.

Kınomarafon 15 ǵasyrdaǵy Kereı men Jánibek handardyń basshylyǵymen qazaq memlekettiliginiń qalyptasý kezeńin baıandaıtyn rejısser Aıdyn Sahamannyń «Qazaq handyǵy. Almas qylysh» tarıhı dramasymen aıaqtaldy.

Іs-sharalarǵa Qazaqstan Respýblıkasynyń Ázerbaıjandaǵy Elshisi Álim Baıel, shyǵarmashylyq zııaly qaýym, dıplomatııalyq korpýs, BAQ ókilderi, sondaı-aq qazaq ónerin súıer qaýym qatysty.

Qonaqtar aldynda sóz sóılegen Elshi Álim Baıel qazaq kınosynyń joǵary deńgeıde damyǵanyn atap ótip, Qazaqstanda da, Ázerbaıjanda da tarıhty zertteýge qyzyǵýshylyq artyp kele jatqanyn atap ótti.

— Bizdiń elderde tarıhı fılmder túsirý mádenı dıalogty damytyp qana qoımaı, ortaq túrki biregeıligin saqtaýda mańyzdy ról atqarady, — dedi dıplomat.

Sondaı-aq, ol eki baýyrlas halyqtyń mádenı baılanysyn nyǵaıtýdaǵy jańa qadam bolatyn birlesken kórkem fılm túsirý jospary baryn málimdedi.

Kórermenderge fılm kórsetiliminen bólek, Ázerbaıjannyń daryndy mýzykanttary men ánshileriniń qatysýymen kontserttik baǵdarlamalar usynylyp, merekege ulttyq reń men jarqyn atmosfera qosyldy.

Aıta keteıik, «Altyn adam» fılmi Iordanııadaǵy kınofestıvalde kórermendi tánti etti.