Bakýde qazaq kúresinen Eýropa chempıonaty ótedi

ASTANA. QazAqparat – Bıyl kúzde Ázerbaıjanda qazaq kúresinen Eýropa chempıonaty ótedi. Bul týraly Mádenıet jáne sport mınıstrligi sport jáne dene shynyqtyrý isteri komıtetiniń tóraǵasy Erbol Myrzabosynov málim etti, dep habarlaıdy QazAqparat tilshisi.

«Ótken jyly alǵash ret qazaq kúresinen álem chempıonaty uıymdastyryldy. Oǵan 40-qa jýyq elden sportshylar qatysty. Bul qazaq kúresin Olımpıada oıyndarynyń baǵdarlamasyna engizý baǵytyndaǵy jumystardyń biri. Bıyl qazaq kúresinen Azııa chempıonaty Ózbekstanda ótti. Endi Eýropa chempıonaty Ázerbaıjanda (Bakýde) ótedi dep josparlanǵan. Búginde ol boıynsha bizdiń qaýymdastyq tarapynan aýqymdy jumys atqarylyp jatyr» - dedi Erbol Myrzabosynov elordada ótken Qazaq kuresi qaýymdastyǵy jıynynan keıin BAQ ókilderiniń saýalyna jaýap bere turyp.

Onyń aıtýynsha, Eýropa chempıonatyn qyrkúıek nemese qazan aıynda ótkizý josparlanyp otyr.

Aıta keteıik, búgin elordada Qazaq kuresi qaýymdastyǵynyń kezekti jıyny ótti. Onyń barysynda qaýymdastyqtyń jańa prezıdenti tanystyryldy.

Esterińizge sala keteıik, "Eýropa chempıonatynyń demeýshisi – Sport Qory cportty qoldaý qory."