Baqtıer Zaınýtdınov ulttyq qurama sapyna qosyldy
ASTANA. KAZINFORM - Jartylaı qorǵaýshy Baqtıer Zaınýtdınov fýtboldan Qazaqstan ulttyq quramasynyń Túrkııadaǵy oqý-jattyǵý jıynyna kelip qosyldy.
- Ulttyq quramanyń oıynshysy Baqtıer Zaınýtdınov qosymsha medıtsınalyq qaralymnan ótedi. Sonyń qorytyndysy boıynsha aldaǵy oıyndarǵa qatysý-qatyspaýy týraly sheshim qabyldanady, - dep jazylǵan habarlamada.
Budan buryn habarlaǵanymyzdaı, Túrkııanyń «Beshıktash» klýbynda oınaıtyn jartylaı qorǵaýshynyń jaraqaty bar. Endi ol qosymsha medıtsınalyq qaralymnan ótip, naqty sheshim qabyldanady.
Al Ramazan Kárimov pen Roman Asrankýlov alǵan jaraqatyna baılanysty oqý-jattyǵý jıynyna qatyspaıdy.
El quramasy 2026 jylǵy Álem chempıonatyna irikteý kezeńinde J tobynda oıyn kórsetedi.
Qarsylastary — Belgııa, Ýels, Soltústik Makedonııa jáne Lıhtenshteın.
Matchtar 2025 jyldyń naýryzynda bastalyp, qarasha aıynda aıaqtalady.
Aıta ketsek, Qazaqstan quramasy 22 naýryzda syrt alańda Ýelspen kezdesse, 25 naýryzda Lıhtenshteınge qarsy oınaıdy.