BAQ salasyndaǵy eńbek ótili 100 jyldan asatyn otbasy saılaýǵa qatysty
Otaǵasy, belgili aqyn-jýrnalıst Mahmet Qajıahmetovtiń sózine qaraǵanda, el táýelsizdiginen artyq eshteńe joq.
«Jazý adamy bolǵan soń qoǵamdaǵy jylt etken jańalyqtarǵa qýanyp, keıbir jaǵdaıǵa qınalyp, bárin de júrekten ótkizip otyrasyń. Eń bastysy, egemendik máńgi bolyp, Qazaqstanymyz alǵa basa berse eken. Sol úshin saılaýǵa baryp, otbasymyzben daýys berdik. Aldaǵy ýaqytta oılaǵan óz josparym da bar. Densaýlyǵym túzelse, óleńderimdi, áńgimelerimdi bir qarap shyqsam deımin. Bolashaqta arhıvte otyryp, zerttep, aýdan tarıhyn da qozǵaǵym keledi», deıdi M.Qajıahmetov.
Mahmet Qajıahmetov – QR Jazýshylar jáne Jýrnalıster odaǵynyń múshesi.
Bıyl QR Prezıdentiniń Qurmet gramotasymen marapattalǵan aqyn – «Kógershin kóńil», «Dala demi» óleńder jınaǵynyń avtory.
1976 jyly aýdandyq «Qyzyl tý» gazeti redaktsııasyna (qazirgi «Syrym eli») fototilshi bolyp kirip, zeınetke «Syrym eli» gazetiniń redaktory qyzmetinen shyqty.
Otanasy Botagóz Haıroshqyzy eńbek jolyn baspahanadan lınotıpshi bolyp bastap, aýdandyq gazet redaktsııasynan korrektor bop zeınetke jetti.
Áýlettiń tuńǵyshy Dáýren Qajıahmetov – Syrym aýdandyq jastarmen jumys jónindegi resýrstyq ortalyqtyń teleoperatory, «Aqjaiyq» telearnasynyń aýdandaǵy ókili bolsa, onyń jary Shynar Moldanııazova – «Syrym eli» qoǵamdyq-saıası gazetinde jýrnalıst.
Mahmet Mútıulynyń eńbek ótili 42 jyl bolsa, Botagóz Haıroshqyzynyń baspa salasynda 38 jyl eńbek etken.
Dáýren Qajıahmetovtiń telearnada 10, Shynar ıAýdaqyzynyń gazetke eńbek etip jatqanyna 16 jyl bolady.
Áýlettiń buqaralyq aqparat quraldary salasyndaǵy jalpy eńbek ótili 106 jyldy quraıdy.
Eske sala keteıik, budan buryn BQO saılaýshylarynyń daýys berýge otbasymen kelip jatyrǵanyn jazǵan bolatynbyz.
Sondaı-aq batysqazaqstandyq kókparshylar saılaýǵa salt atpen keldi.
Tursynbek Qabatov 22 jyldan keıin týǵan jerinde daýys berdi.
