BAQ: «Hezbolla» Izraılge 320 zymyran ushyrdy
ASTANA. KAZINFORM – «Hezbolla» Izraıldiń soltústik aımaqtaryna 320 zymyran ushyrdy, dep habarlaıdy TASS agenttigi.
The Times of Israel basylymynyń habarlaýynsha, qozǵalys evreı memleketindegi 11 áskerı bazaǵa soqqy jasaǵan.
Jerusalem Post gazeti Lıvannan Izraılge 200-ge jýyq zymyran atylǵanyn málimdedi.
Basylymnyń deregine qaraǵanda, snarıadtardyń ushyrylýy jergilikti ýaqyt boıynsha 05:30–dan 06:15–ke deıin tirkelgen, birneshe zymyran Izraıl aýmaǵyna jetken.
Izraılge zymyrandyq shabýyldan keıin shııttik Hezbolla qozǵalysy Beırýtta óziniń áskerı qanatynyń qolbasshysy Fýad Shokrdyń ólimine «alǵashqy jaýap» týraly aıtty.
«Izraılge zymyran ushyrý qaýpin joıý úshin ózin-ózi qorǵaý aıasynda Izraıl armııasynyń Lıvandaǵy lańkestik nysandarǵa soqqy bergeni buryn habarlanǵan bolatyn, ol jerden Hezbolla ızraıldik beıbit turǵyndarǵa shabýyl jasaýdy josparlaǵan», — dep jazdy Izraıl armııasynyń ókili Danıel Hagarı.
