BAQ: AQSh Lıvandaǵy elshiliginen ondaǵan qyzmetkerdi evakýatsııalady

ASTANA. KAZINFORM – AQSh búgin Lıvan astanasy Beırýttegi elshiliginen ondaǵan qyzmetshini evakýatsııalady. Bul týraly LBCI telearnasy habarlady, dep jazady Anadoly.

Habarlamada dıplomatııalyq mıssııa ókilderiniń Rafık Harırı atyndaǵy halyqaralyq áýejaıdan ushyp shyqqany aıtylady.

Evakýatsııa óńirdegi oqıǵalardyń shıelenisý múmkindigine baılanysty qaýipsizdikti qamtamasyz etý úshin jasalǵan.

Ázirge buǵan baılanysty AQSh elshiligi tarapynan eshqandaı pikir bildirilmedi.

Osyǵan deıin Iran men AQSh-tyń 26 aqpanda Jenevada taǵy da kelissóz ótkizetini týraly jazdyq.