Baǵdat Mýsın Sberbankpen tsıfrlyq platforma memorandýmynyń mán-jaıyn aıtty
Májilis depýtaty Erlan Saırov tsıfrlyq platformany qurýǵa baılanysty Reseıdiń «Sberbanki» arasyndaǵy qoıylǵan memorandým jurtshylyq ishinde rezonans týǵyzǵanyn eske saldy.
«Siz ótken kúni azamattarmen kezdesip, biraz suraqtardy seıilttińiz, ol – durys. Degenmen jobany iske asyrýǵa qatysty suraqtar áli bitken joq. Biz jobany iske asyrý ádilettilik prıntsıpterine sáıkes kelýi kerek dep esepteımiz. ıAǵnı tsıfrlyq platforma boıynsha naqty kórsetkishteri bar, tıisti tehnıkalyq tapsyrma ázirlenip, jobada qazaqstandyq úlesti qamtý joǵary deńgeıde bolýy kerek. Qazaqstannyń tsıfrlyq platformasyn ázirleýge halyqaralyq ashyq tender jarııalanǵany abzal. Onda eldiń tsıfrlyq táýelsizdigine, azamattardyń derekterin qorǵaýǵa qatysty barlyq talaptar belgilenýi qajet. Jobany otandyq tsıfrlyq ındýstrııany damytý men ártaraptandyrýǵa qýatty serpin beretindeı etip iske asyrýǵa tıispiz. Osy oraıda naqty tehnıkalyq tapsyrma bar ma? Jobany júzege asyrýǵa ashyq konkýrs qashan jarııalanady?», - dedi surady depýtat Tsıfrlyq damý mınıstrine qarata aıtqan sózinde.
Óz kezeginde B. Mýsın bul baǵytta tıisti túsindirý jumystary júrip jatqanyn aıtty.
«Naqty aıtsaq, memorandýmǵa qol qoıyldy. Ol eshqandaı kelisimshart emes. Tehnıkalyq negizdeme men tehnıkalyq qujattama daıarlaý úshin zertteý jumystaryn júrgizip jatyrmyz. 15 jeltoqsanǵa deıin zertteý aıaqtalǵannan keıin, tehnıkalyq qujattamaǵa kóshemiz. Aldaǵy jylǵy 15 aqpanǵa deıin tehnıkalyq qujattamany daıyndaımyz. Sol tehnıkalyq qujattama negizinde tehnıkalyq ári ekonomıkalyq negizdeme ázirlenedi. Osy rásimder jasalmaı, eshqandaı kelisimshart bekitilmeıdi. Ekinshiden, platformaǵa toqtalsaq, biz búginge deıin jalpy osy tehnologııalardy, ıaǵnı elimizde jasalmaǵan platformalardyń arqasynda tsıfrlandyrýdy júrgizdik. Biraq sheteldik platformalardy alyp, ózimizdiń qazaqstandyq mamandardyń biliktiligimen qazirgi tsıfrlandyrý deńgeıine jettik. Endi ony ary qaraı ilgerileti úshin, problemalardy sheshý úshin jańa platformalyq modelge kóshý kerek ekenin aıtyp jatyrmyz. Sondyqtan bul qadamdar zańǵa sákes júrgiziledi. Osy baǵytta talqylaý júrip jatyr. Osyǵan deıin qol qoıylǵany – ol memorandým. Nelikten biz oǵan qol qoıdyq? Óıtkeni ashyq kodtardy berýge nıetti qazirgi kezde tek sol platforma ǵana bolyp tur. Eger basqa da barlyq tehnologııalary ári biriktirilgen bir platformasy barlar bolsa, sondaı-aq bizge ashyq kodtardy berse, ózimiz sol ashyq kodtardyń arqasynda súıemeldeý jumystaryn júrgize alsaq, onda olardy da qarastyratyn bolamyz», - dep túsindirdi Baǵdat Mýsın.
Sonymen qatar depýtat Qazybek Isa tsıfrlandyrý boıynsha BUU reıtıngisinde Qazaqstan jaqsy deńgeıde turǵanyn aıtty.
«Biz tipti Reseıdiń de aldyndamyz. Endeshe, ózimizden keıin turǵan Reseıge 19 mln qazaqstandyqtyń málimeti bar elektrondy úkimetti tutastaı bere salý Táýelsizdigimizge nuqsan emes pe? «Aq jol» fraktsııasy bul jaıynda depýtattyq saýal joldady.
Osyǵan deıin memorandýmǵa qol qoıyldy, bizde barlyǵy memorandýmnan bastalady. Halyqtyń qaýiptenip, narazalyq aıtqany da osyǵan baılanysty. Ekinshiden, nelikten bul qadamdar ózimizden keıin turǵan Reseımen jasalyp otyr? Aldyńǵy qatarly eldermen nege júrgizilmeıdi?», - dep surady Q. Isa.
Bul saýalǵa jaýap retinde Baǵdat Mýsın birinshiden tehnıkalyq qujattar daıar bolǵansha eshqandaı kelisimshartqa qol qoıylmaıtynyn qaıtalady.
«Osy kúnge deıin jumystardy atqarý úshin mıllıardtaǵan somaǵa lıtsenzııalyq baǵdarlamalardy satyp alǵan edik. Biz olardy ózimiz jasaǵan joqpyz. Solardyń bazasynda, negizinde úlken júıeni jasaý - bizdiń qazaqstandyqtarǵa tıesili. Platformany jasaý, negizin satyp alý - tek bir ǵana másele. Al ony qurastyrý, qajetti platformany qurý – ol bizdiń qolymyzda. Bul jumysqa tek qazaqstandyq mamandar tartylady jáne bizdiń ІT-sektorǵa serpilis beredi. Jańa ıdeıaǵa, jańa platformaǵa kóshý otandyq mamandar úshin qosymsha tapsyrystar alyp keledi. Atap aıtqanda, bizge kim ashyq kodtardy berse, solardy qarastyrýǵa daıynbyz degen saýal jiberdik. Sondyqtan eshkimge de tosqaýyl qoıyp otyrǵan joqpyz», - dedi mınıstr.
Osy oraıda ol «Sberdiń» tehnologııasy qarastyrylyp jatqanyn, óıtkeni olar ashyq kodtardy berýge daıyn ekenin aıtty.
«Olardyń tehnologııalyq deńgeıin zerdeleý úshin sarapshylyq keńespen birigip pysyqtaımyz», - dedi Baǵdat Mýsın.
Sóz sońynda mınıstr atalǵan másele boıynsha Parlament depýtattarynyń jáne sarapshylardyń qatysýymen tyńǵylyqty talqylaýǵa daıyn ekenin aıtty.
