Baǵdat Mýsın «Roskosmos» basshysy Dmıtrıı Rogozınmen kezdesti

NUR-SULTAN. QazAqparat - Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Roskosmos» memlekettik korporatsııasynyń bas dırektory Dmıtrıı Rogozınmen kezdesý ótkizdi.

Bul týraly QazAqparat mınıtsrliktiń resmı saıtyna silteme jasap habarlaıdy.

Kezdesý barysynda taraptar Jerdi qashyqtyqtan zondtaý (JQZ) tehnologııalary boıynsha yntymaqtastyq perspektıvalaryn talqylady.

Atap aıtqanda, Qazaqstan men Reseıdiń JQZ jerserikteri toptamalaryn ázirleý jónindegi birlesken josparlar, sondaı-aq jedel derektermen almasý boıynsha servısterdi biriktirý múmkindikteri qaraldy.

Budan basqa, taraptar qazaqstandyq jáne reseılik jerserikter óndirýshileriniń ónerkásiptik kooperatsııasy salasyndaǵy áleýetti yntymaqtastyq, onyń ishinde Nur-Sultan qalasyndaǵy ǵarysh apparattarynyń qurastyrý jáne synaý keshenin júkteýdi qamtamasyz etý sheńberindegi máselelerdi talqylady.

Kezdesý qorytyndysy boıynsha ǵaryshtyq yntymaqtastyq salasyndaǵy máselelerdi odan ári egjeı-tegjeıli pysyqtaý týraly ýaǵdalastyqtarǵa qol jetkizildi.