Baǵdat Mýsın balalarǵa arnalǵan SIM-karta engizý týraly aıtty

ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın balalardy qaýipsiz ınternetpen qamtý josparymen bólisti, dep habarlaıdy QazAqparat tilshisi.

«Balalardy qaýipsiz ınternetpen qamtýdyń ártúrli nusqacy bar. Biz olardy zertteımiz. Qaýipsiz ınternet degenimiz balalarǵa qajet emes derek kózderi men saıttardy buǵattap, keregin ǵana qaldyrý. Biz baǵytta josparymyz bar. Tarıf uıaly baılanys operatorlary arqyly júzege asyrylady», - dedi Baǵdar Mýsın Úkimet otyrysynan keıin tilshilerdiń saýalyna jaýap bere otyryp.

Onyń aıtýynsha, búginde túrli mobıldi tarıftik josparlar bar, degenmen jańa ári tıimder tarıf artyq etpeıdi.

Eske sala ketsek, osydan birer kún buryn Oqý-aǵartý mınıstrligi balalarǵa arnalǵan SIM-karta engizý týraly usynys tastaǵan edi.

«Biz babalarǵa arnalǵan SIM-karta usynyp otyrmyz. Balalarǵa arnalǵan jeke SIM-karta kerek. Ol ata-analardyń baqylaýynda bolady. Bala sol SIM-karta arqyly ınternetke qosylsa, mindetti túrde ata-analardyń ruqsaty suralady. Biz osyndaı júıeni engizýdi usynyp otyrmyz. Bul balanyń ınternette qandaı saıtqa kirgenin, qandaı áleýmettik jelide otyrǵanyn baqylaýǵa múmkindik beredi. Taǵy bir másele, ol karta arqyly balanyń ınternetke kiretin ýaqytyn shekteı alamyz. Keıde bala tún ortasynda ınternette otyratyn jaıttar bolady», - degen edi Oqý-aǵartý vıtse-mınıstri Edil Ospan.