Baǵdat Mýsın aýyldarǵa ınternet jelisin elektr baǵanalary arqyly tartýdy usyndy

NUR-SULTAN. QazAqparat – Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın aýyldarǵa ınternet jelisin elektr baǵanalary arqyly tartýdy usyndy, dep habarlaıdy QazAqparat tilshisi.

«Optıkalyq talshyq jelilerin tartýdy jeńildetý úshin elektr baǵanalaryn paıdalanýdy usynyp otyrmyz. Ondaı baǵanalar aýyldardyń kóbinde bar. Sol baǵanalardy qoldanap otyryp, optıka ótkizýdi zańdy turǵyda engizip jatyrmyz», - dedi Baǵdat Mýsın Májilistiń baspasóz alańynda BAQ ókilderiniń suraǵyna bergen jaýabynda.

Onyń paıymynsha, atalǵan norma Parlamentten qoldaý taýyp, kúshine ense, aýyl ishinde ınternet taratýǵa nıetti áleýetti operatorlardyń yqtımal shyǵyndary qazirgiden áldeqaıda azaımaq.