Baǵdadta sheteldik jýrnalıst urlandy

ASTANA. KAZINFORM - Bul týraly Iraktyń Іshki ister mınıstrligi málimdedi, dep habarlaıdy BBC.

Vedomstvonyń habarlaýynsha, qaýipsizdik kúshteri urlyqqa kúdiktilerdiń birin ustaǵan. Qazirgi ýaqytta jýrnalısti izdeý jumystary júrip jatyr.

Irak bıligi urlanǵan adamnyń esimin resmı túrde jarııalaǵan joq. Alaıda birqatar jýrnalıst áńgime amerıkalyq Shellı Kıttelson týraly bolyp otyrǵanyn jazyp jatyr. Onyń áleýmettik jelidegi paraqshasynda AL-Monitor, Foreign Policy, Politico jáne Bı-bı-sıdiń álemdik qyzmetimen jumys isteıtini kórsetilgen.

Ázirge dál osy jýrnalıstiń urlanǵany týraly aqparat resmı túrde rastalǵan joq.

Buǵan deıin Baǵdadta adamdardy urlaý oqıǵalary jıi tirkelgen edi. Sońǵy ýaqytta Iraktaǵy qaýipsizdik jaǵdaıynyń jaqsarýyna baılanysty mundaı derekter azaıǵan.

Osyǵan deıin Irakta AQSh-tyń Vıktorııa áýe bazasyna drondar shabýyl jasaǵany týraly jazdyq.