BAÁ-de jasandy ıntellekt negizinde kóptildi ymdaý tiliniń aýdarmashysy jasaldy
ASTANA. KAZINFORM – Abý-Dabı ýnıversıteti (ADU) jasandy ıntellektiniń kómegimen ymdaý tilin mátinge jáne kerisinshe aýdaratyn qosymshaǵa patent aldy. Bul týraly Emirates News Agency habarlady.
Bul joba ártúrli elderdegi estý qabileti buzylǵan adamdarǵa naqty ýaqyt rejıminde qarym-qatynas jasaýǵa múmkindik beredi.
Baǵdarlama ym-ısharalardy jazbasha sózderge, al terilgen mátindi anımatsııalyq ymdaý tiline aınaldyrady. Sondaı-aq ol ymdaý tili men aýyzsha sóıleý arasyndaǵy ekijaqty aýdarmany naqty ýaqyt rejıminde qamtamasyz etedi, bul synyptarda, bilim berý baǵdarlamalarynda jáne jumys oryndarynda tıimdi ózara árekettesýge múmkindik beredi.
Qosymsha ymdaý tiliniń ártúrli júıeleri arasynda kóptildi aýdarmany qoldaıdy.
Basty maqsat – estý qabileti buzylǵan adamdarǵa tolyqqandy bilim alýǵa jáne kásibı ortada óz múmkindikterin júzege asyrýǵa jol ashý.
Aıta kekteıik, AQSh-ta ChatGPT qylmys jasaýǵa kómektesti degen kúdikke ilindi.
Al Qazaqstanda orman órtin erte anyqtaý júıesine JI tehnologııalary engizilip jatyr.