BAÁ-de JI arqyly ıshara tilin aýdaryp beretin qosymsha jasaldy
ASTANA. KAZINFORM — Birikken Arab Ámirlikterinde kóptildi jasandy ıntellekt (JI) negizindegi ıshara tilin aýdarýshy qosymsha jasaldy. Bul qosymsha estý qabileti tómen adamdarǵa qarym-qatynas jasaýǵa, bilim alýǵa jáne jumys isteýge múmkindik berip, tildik kedergilerdi joıady, dep habarlaıdy Emirates News Agency.
Abý-Dabı ýnıversıtetiniń zertteýshileri ázirlegen HearMe qosymshasy ıshara tilin mátinge jáne kerisinshe aýdara alady. Qosymsha jasandy ıntellekt qoldaný arqyly jumys isteıdi jáne ártúrli elderden kelgen estý qabileti tómen adamdarǵa mektepte nemese jumysta naqty ýaqyt rejıminde qarym-qatynas jasaýǵa kómektesedi. Sonymen qatar, qosymsha ártúrli ıshara tilderi arasynda aýdarma múmkindigin de qoldaıdy.
Eske sala keteıik, buǵan deıin qazaqstandyq ǵalymdar qazaqsha ym-ısharany tanıtyn júıe oılap tapqan edi.
Al byltyr qazaq ym-ıshara tili men daktıl álipbıin qabyldaý máselesi pysyqtaldy.