BAÁ-de ejelgi injý qalasy tabyldy
Sınııa aralynan tabylǵan artefaktiler, bir kezderi myńdaǵan adam ómir súrgen júzdegen úıler bizdiń zamanymyzdyń altynshy ǵasyrynyń sońyndaǵy aımaqtyń ıslamǵa deıingi tarıhynan bastaý alady. 2022 jyly tabylǵan qala VI ǵasyrdyń aıaǵy men VIІІ ǵasyrdyń ortasy aralyǵynda gúldengen jáne shamamen 1400 jyl bolǵan ejelgi hrıstıandyq «Deır as-Sınııa» monastrynyń janynda ornalasqan.
Qala osy monastrdyń ońtústiginde ornalasqan jáne 12 gektar aýmaqty qamtıdy.
«Bul jańalyq Ýmm ál-Kaıvaın, BAÁ jáne Parsy shyǵanaǵy elderiniń tarıhy úshin úlken mańyzǵa ıe, óıtkeni injý aýlaý jeti myń jyldan astam ýaqyt boıy ómir súrýdiń mańyzdy bóligi jáne kózi, el murasynyń ajyramas bóligi boldy», - dedi BAÁ týrızm jáne kóne jádigerler departamentiniń basshysy Madjıd bın Saýd ál-Mýalla.
Zertteýler men arheologııalyq qazbalar bul qala Ámirlikterde buryn-sońdy bolmaǵan eń iri qalalyq qaýymdastyqtardyń biri ekenin kórsetedi, ony orta ǵasyrlarda Ras-El-Haımadaǵy Djýlfar qalasynyń órkendeýimen salystyrýǵa bolady.
Tabylǵan zattar sol kezde ómir súrgen adamdardyń úılerin injý-marjan ornalasqan jerge jaqyn salǵanyn kórsetedi, óıtkeni injý qaladaǵy negizgi kásip kózi bolǵan.
Qala arab túbeginde ıslam paıda bolǵanǵa deıin bolǵan, bul onyń turǵyndary hrıstıan bolýy múmkin degen qorytyndy jasaýǵa múmkindik beredi. Іnjý aýlaýshylar qalasy bıyl uıymdastyrylǵan arheologııalyq qazba jumystary maýsymynyń nátıjesinde tabyldy.
Qazba jumystaryna Ýmm ál-Kaıvaın týrızm jáne arheologııa departamenti, BAÁ ýnıversıteti, ámirliktegi ıtalıandyq arheologııalyq mıssııa jáne Nıý-Iork ýnıversıtetiniń ejelgi álemdi zertteý ınstıtýty qatysty. Ýmm ál-Kaıvaın ámirliginiń bıligi bul jerde kelýshilerge arnalǵan ortalyq salýdy josparlap otyr.
