BAÁ-da maımyl sheshegin juqtyrýdyń alǵashqy deregi tirkeldi
Qazirgi ýaqytta aýrý juqtyrǵan áıelge qajetti medıtsınalyq kómek kórsetilýde. Mınıstrlik el halqyn BAÁ densaýlyq saqtaý organdarynyń barlyq qajetti sharalardy, sonyń ishinde tergeý, naýqaspen baılanysta bolǵan adamdardy izdeý jáne áıeldiń densaýlyǵyn baqylaýdy qolǵa alyp jatqanyna sendirdi.
Bul jaǵdaı maımyl sheshegin juqtyrý oqıǵalary álemniń birneshe elinde tirkelgennen keıin iske qosylǵan erte baqylaý júıesiniń bóligi retinde anyqtaldy.
«Biz turaqty tıimdilikti qamtamasyz etý jáne halyqty juqpaly aýrýlardan qorǵaý, olardy jyldam anyqtaý úshin joǵary álemdik tájirıbege sáıkes epıdemıologııalyq qadaǵalaý júıesin engizý úshin densaýlyq saqtaýdyń basqa organdarymen birlesip jumys istep jatyrmyz. Sondaı-aq, elde barlyq aýrýlar men vırýstar, sonyń ishinde maımyl sheshegi vırýsynyń taralýyn shekteý boıynsha jumys júrgizýdemiz», - dep málimdedi vedomstvodan.
«Mınıstrlik jergilikti epıdemıologııalyq qadaǵalaýdy kúsheıtip, maımyldyń dúnıejúzinde taralýyn muqııat qadaǵalap otyr. Ámirlikterdegi barlyq medıtsınalyq mekemelerge vırýstyń jergilikti jerde taralýyn boldyrmaý úshin kez kelgen kúdikti jaǵdaılar týraly habarlaý tapsyryldy», dep habarlaıdy Khaleej Times.
«Biz ınfektsııaǵa shaldyqty degen kúdikke ilingen naýqastardy dıagnostıkalaýdyń naqty tetikterin engizdik. Oǵan qosa, pandemııaǵa qarsy tehnıkalyq konsýltatıvtik top epıdemııalyq qadaǵalaý, aýrýdy erte anyqtaý, vırýs juqtyrǵan naýqastardy klınıkalyq tekserý jáne saqtyq sharalary boıynsha keshendi nusqaýlyq daıyndaldy», - dedi mınıstrlikten.
Bul mehanızm kúdikti jaǵdaılardy anyqtaý, olardyń taralýyn boldyrmaý jáne erte emdeýdi qamtamasyz etý boıynsha belsendi qadamdardy qamtıdy.
Vedomstvo turǵyndardy ósek-aıań taratpaı, aqparatty tek resmı derekkózderden alýǵa shaqyrdy.
24 mamyrdaǵy jaǵdaı boıynsha Dúnıejúzilik densaýlyq saqtaý uıymy maımyl sheshegin juqtyrýdyń rastalǵan jáne kúdikti 250-den astam jaǵdaıyn tirkedi.
Buǵan deıin BAÁ densaýlyq saqtaý organdary maımyl sheshegi vırýsynyń negizinen Ortalyq jáne Batys Afrıkanyń tropıkalyq ormandarynda kezdesetinin, keıde basqa aımaqtarǵa taralatynyn málimdegen.
Aýrý adamǵa naýqas adammen nemese janýarmen jaqyn baılanysta nemese vırýspen lastanǵan materıaldar arqyly juǵady.
Vırýs bir adamnan ekinshi adamǵa zaqymdanǵan oshaqtar, denedegi suıyqtyq, aýa tamshylary jáne tósek-oryn sııaqty lastanǵan materıaldarmen tyǵyz baılanys arqyly taralady. Maımyl sheshegi sırek kezdesip, ádette jeńil túrde ótkenimen, saldary aýyr dertke ákelip soqtyrýy da yqtımal.
Vırýstyń ınkýbatsııalyq kezeńi ádette 7-den 14 kúndi quraıdy, biraq keı jaǵdaıda 21 kúnge deıin sozylýy da múmkin.
