Azyq-túlikke jatpaıtyn ınflıatsııa 5,6-dan 6,4 paıyzǵa deıin jedeldedi - UB
«Osy jylǵy sáýirde Qazaqstanda ınflıatsııa azyq-túlik ınflıatsııasynyń baıaýlaýy, azyq-túlikke jatpaıtyn jáne servıstik komponentterdiń jedeldeýi kezinde ótken aıdaǵy 7 paıyz deńgeıinde saqtaldy. Azyq-túlik ınflıatsııasy nan-toqash ónimderi, et, qant jáne jemis-kókónis ónimderi baǵasy ósýiniń tejeýildeýi aıasynda 10,7-den 9,8 paıyzǵa deıin baıaýlady. Іskerlik belsendiliktiń jandanýy, halyq kiristeriniń qalpyna kelýi jáne ımporttyń ósýi aıasynda azyq-túlikke jatpaıtyn ınflıatsııa 5,6-dan 6,4 paıyzǵa deıin jedeldedi. Azyq-túlikke jatpaıtyn taýarlar baǵasynyń aı saıynǵy ósýi 2017 jylǵy qazannan bastap eń joǵary mándi kórsetedi. Kıim-keshek pen aıaq kıimge baǵanyń ósý qarqyny jyldyq mánde 5,5 paıyzǵa deıin jedeldedi», - dedi UB tóraǵasy.
Sonymen birge ol munaı ónimderin tasymaldaý tarıfteriniń artýy nátıjesinde ishki usynystyń tómendeýi aıasynda osy jyldyń basynan bastap benzın baǵasynyń 11,6 paıyzǵa ósýi baıqalǵanyn aıtty.
«Osy jylǵy 27 sáýirde Ulttyq bank azyq-túlik taýarlaryna syrtqy baǵalardyń ósýine, saýda áriptes elderdegi ınflıatsııanyń jedeldeýine baılanysty proınflıatsııalyq faktorlardyń saqtalý aıasynda +/-1,0 paıyzdyq tarmaq dálizimen jyldyq 9,0 paıyz deńgeıinde bazalyq stavkany saqtaý týraly sheshim qabyldady», - dedi ol.
