Azyq-túlik baǵasyn turaqtandyrý úshin qandaı jumys atqarylyp jatyr
«Biz baǵany rettemeımiz jáne ustap turmaımyz. Mundaǵy másele azyq-túlik jáne taǵamdyq qaýipsizdiktiń birneshe kórsetkishterin ýaqytyly qamtamasyz etý bolyp otyr. Árıne, eń aldymen, bul taýar bolýy kerek. Sosyn obektıvti baǵa men tıisti sapa bolýy kerek. Barlyq osy parametrler boıynsha jumys isteımiz. Árıne, bizdiń óndirýshilerdiń ónimdi ýaqytynda alýyna, belgili bir ónimdi jasaý múmkindigine baılanysty fýnktsıonal bar. Ótken jyly bizdiń óndirýshilerde qyryqqabatpen, bıyl pııazben problema boldy. Bul jerdegi másele – memlekettik organdar tarapynan durys aqparattandyrý bolmaǵan», - dedi Saýda mınıstri Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, forvardtyq kelisimsharttar men aınalym shemasy máselelerin ýaqytyly arttyrý úshin jergilikti atqarýshy organdarmen jumys júrip jatyr.
Bul saýda jelileri men kásipkerlerge kúzde jetkizilim kólemin jáne baǵa boıynsha mindettemelerdi qamtamasyz etý úshin aldyn ala qarajat alýǵa múmkindik beredi.
«Eksportqa tyıym salý quraldary da qoldanylýy múmkin. Bul máselelerdi qajetti baǵyttar boıynsha vedomstvoaralyq komıssııa qaraıdy. Ónimdi el ishinde ýaqytynda bólip, ótkizýdi qamtamasyz etý úshin jergilikti atqarýshy organdarmen jumys júrýde. Turaqtandyrý qory boıynsha naqty kólemder bar. Olardyń da árdaıym jetkilikti bomlaıtyny túsinikti, turaqtandyrý qorlarynyń jalpy kólemin aıtsaq, olar naryqtyń 2-3%-yn ǵana jabady jáne únemi tıimdi áser ete almaıdy», - deıdi Baqyt Sultanov.
Buǵan deıin mınıstr kartop pen sábiz baǵasyna qatysty boljamyn aıtqan edi.
