Azııadaǵy eń beıbit bes el anyqtaldy

ASTANA. KAZINFORM — Mońǵolııa 2025 jylǵy Ǵalamdyq beıbitshilik ındeksi (GPI) boıynsha Azııadaǵy eń beıbit jáne qaýipsiz bes eldiń biri bolyp tanyldy, dep habarlaıdy Montsame.

Indeks Aýstralııadaǵy Ekonomıka jáne beıbitshilik ınstıtýty (IEP) tarapynan jyl saıyn jarııalanyp, álemniń 160-tan astam elin 20-dan asa krıterıı boıynsha baǵalaıdy. Olarǵa áleýmettik turaqtylyq pen qaýipsizdik, ishki jáne syrtqy qaqtyǵystardyń bolýy, mılıtarızatsııa deńgeıi sııaqty faktorlar kiredi.

Ǵalamdyq beıbitshilik ındeksi elderdi 1-den 5-ke deıingi shkala boıynsha baǵalaıdy, mundaǵy tómen ball beıbitshiliktiń joǵary deńgeıin bildiredi. Indeks elderdi úsh negizgi kórsetkish boıynsha iriktep, oryn beredi:

1. Turaqtylyq pen qaýipsizdik deńgeıi,

2. Qaqtyǵystardyń bolýy jáne olardyń aýqymy,

3. Mılıtarızatsııa deńgeıi.

Sońǵy onjyldyqta Mońǵolııanyń kórsetkishteri jaqsardy, jáne el turaqty túrde álemniń úzdik 50 eli qataryna kiredi. Mysaly, 2015 jyly Mońǵolııa álemde 42-orynda turǵan (kórsetkishi 2,22), al 10 jyldan keıin ındeks kórsetkishi 1,71-ge jaqsaryp, Azııada 5-orynǵa, al álemde 163 eldiń ishinde 37-orynǵa shyqty.

Azııadaǵy reıtıngte birinshi orynda Sıngapýr tur, ony Japonııa, Malaızııa jáne Býtan jáne keıin Mońǵolııa jalǵastyrady.

Esepke sáıkes, Mońǵolııa aımaqta saıası turaqtylyǵy, syrtqy qaqtyǵystardyń az bolýy jáne áleýmettik qaýipsizdik júıesi úshin eń joǵary baǵalardy aldy.

Budan buryn Qazaqstan álemdik JІÓ ósimine úles qosatyn TOP-25 eldiń qataryna engenin jazǵan edik.