Azııa chempıonaty kóptegen qatelikterdiń betin ashty - Bokstan bas bapker
Qurlyq dodasynyń deńgeıi bıik
Azııa chempıonatynyń deńgeıi jyl saıyn arta túsýde. Osy joly soǵan taǵy da kózim jetti. Ásirese, Úndistan komandasy qarqynyn kóbeıtip, Ózbekstan burynǵy áleýetin arttyra túsken. Sondaı-aq, Tájikstan boksshysy tuńǵysh ret Azııa chempıony atanyp, tájirıbeli taılandtyqtar medalsiz qaldy. Munyń bári bokstyń barlyq elde qanat jaıyp, básekelester qatary molaıǵanyn kórsetedi. Ońtústik Koreıa sportshylaryn da esepten shyǵarýǵa bolmaıdy. Bul birinshilik bizdiń biraz qateligimizdi kórsetti. Moıyndaý kerek, áli kemshiligimiz bar. Endi solardyń aldyn alýǵa tyrysamyz.
Levıt taza jeńildi
Bangkok sharshy alańynda bizdiń tájirıbeli eki boksshymyz jankúıer údesinen shyqqan joq. 56 kelidegi álem chempıony Qaırat Erálıev óziniń babynda emestigin kórsetti. Vasılıı Levıt jartylaı fınalda nokdaýnmen jeńildi. Levıttiń jeńilisi kópshilik arasynda kóp pikir týdyrǵanymen, onyń taza utylǵanyn moıyndaý qajet. Óıtkeni, bul - boks. Esten tandyratyn soqqyny kez kelgen boksshy alýy múmkin. Ol úshin jas nemese tájirıbeli bolýdyń qajeti joq. Levıt qarsylasynyń aýyr soqqysyn jiberip aldy da, jeńilis tapty. Sportshynyń jasy úlkeıgen saıyn jeńiske jetýdiń qıyndap ketetinin de umytpaý qajet.
91 kelide Vasılııdiń izin basatyn boksshylar joq emes. Biraq olarǵa áli biraz eńbektený kerek. Qazaqstan chempıonatynda Bekzat Nurdáýletov fınalǵa deıin súrinbeı, aqtyq synda Vasıaǵa jol berdi. Demek, ol osy salmaqtaǵy elimizdiń eń myqty boksshysy. Sondaı-aq, jasóspirimder Olımpıadasynyń jeńimpazy Aıbek Oralbaı da talantty sportshylardyń biri. Biraq ol áli úlken jarystarǵa túsken joq. Levıtpen de resmı túrde jolyqpady.
Azııa birinshiligine alyp barǵan ardager boksshylardyń ishinde Zákir Safıýllındi erekshe atap ótkim keledi. Tájirıbeli ári óte eńbekqor jigit. Fınalda jeńilse de, osy salmaqta elimizdegi eń úzdik boksshysy bolyp tur.
Tóreshiler bedelge qaraıdy...
75 kelidegi Tursynbaı Qulahmet óz mansabynda alǵash ret Azııa chempıony ataǵyn ıelenip, elimizdiń Ánuranyn shyrqatty. Ol ózbekstandyq Israıl Madrımovty jeńgenin bárińiz bilesizder. Osy jekpe-jekten keıin ózbek tarapy tóreshiler sheshimimen kelispeı, sary qaǵaz kórsetti. Negizi, qarsylyq tanytyp, sary qaǵaz kórsetý júıesi áli resmı túrde júzege asqan joq. AІVA bul júıeni álem chempıonatynan bastap qoldanysqa engizýi múmkin. Sol sebepti, qurlyq birinshiliginde synaqtan ótkizý maqsatymen bárimizge eki sary qaǵazdan berdi. ıAǵnı, kúmán týdyrǵan eki kezdesýge biz qarsylyq tanytyp, appelıatsııa bere alamyz. Bangkokte biz sary qaǵazǵa júgingen joqpyz.
Al Ózbekstan bapkerleriniń Madrımov jeńilisimen kelispeýi orynsyz. Tóreshiler 4:1 esebimen jeńisti bizge berdi. Demek, Qulahmet óz myqtylyǵyn dáleldep otyr. Qarsylastardyń dál bulaı áreket etýine Israıldyń bedeli de áser etken shyǵar. Óıtkeni, Madrımov Ózbekstan quramasynyń kóshbasshysy, bet-beınesi sanalady. AQSh-ta kásibıler arasynda judyryqtasyp júr. Sondaı tanymal boksshynyń Tursynbaı syndy jas sportshydan jeńilgeni olardyń shymbaıyna batqan shyǵar. Keıin Madrımovti qonaqúıde kórdik. Bet-aýzyna bizdiń balanyń biraz soqqylary tıgen, jaraqaty kóp eken.
Jalpy, mundaı kezdesýlerden soń sary qaǵaz kórsetý arqyly Ózbekstan tarapy tóreshilerge yqpal jasaýda. Búginde áýesqoı boks áleminde ózbek boksshylarynyń bedeli myqty bolyp tur. Teń deńgeıde ótken jekpe-jekti tóreshiler ózbek boksshysynyń paıdasyna sheshedi. AІVA-da olarǵa oń kózben qaraıtynyn bárińiz bilesizder. Sondyqtan, mundaı jekpe-jekterde aıqyn basymdyqpen jeńý qajet.
Bekke bosańsýǵa bolmaıdy...
81 kelide Azııa chempıony atanǵan Bek Nurmaǵambetke áli kóp eńbekteý qajet. Onyń salmaǵyndaǵy úzdik boksshylar negizinen Eýropa men Amerıkada. Ózbekstan quramasynyń úzdigi Bektemir Melıkýzıev te bıylǵy Azııa dodasynan syrt qaldy. Sondyqtan, Bekke qateliktermen jumys istegen durys. 
Álem chempıonatyna attanatyn quram Prezıdent kýbogynda anyqtalady
Erteń Qyzylorda qalasynda bokstan Qazaqstan Spartakıadasy bastalady. Atalǵan synda jastardyń deńgeıin baıqap kóremiz. Azııa chempıonatyna qatysqan quram jarystan bosatyldy. Sodan soń, Prezıdent kýbogy dodasy kútip tur. Sol básekede álem chempıonatyna qatysatyn quram tolyǵymen anyqtalady. 75 kelidegi Ábilhan Amanqul men Tursynbaı Qulahmet, 69 kelidegi Abylaıhan Júsipov pen Aslanbek Shymbergenovter arasyndaǵy jeńimpazdar álemdik synǵa joldama almaq.