Azyq-túlik deldaldaryn joıý úshin agromarketpleıs ashylady – Saýda mınıstri

ASTANA. KAZINFORM – Jyl sońyna deıin azyq-túlik óndirýshilerdi, saýda jelilerin jáne Áleýmettik kásipkerlik korporatsııalardy tikeleı baılanystyratyn agromarketpleıs ashylady. Bul týraly Saýda jáne ıntegratsııa mınıstri Arman Shaqqalıev aıtyp berdi.

– «Qazaqtelekommen» birlesip, óndirýshilerdi, saýda jelilerin jáne Áleýmettik kásipkerlik korporatsııalardy tikeleı baılanystyratyn, deldaldardy alyp tastaıtyn agromarketpleısti iske qosýdy qarastyrýdamyz. Ony jyl sońyna deıin iske qosý josparlanǵan, – dedi A.Shaqqalıev Úkimettiń búgingi otyrysynda.

Sonymen birge, baqylaý sharalary aıasynda jáne deldaldyq shemalardy tergeý jónindegi komıssııa jumysy arqyly tıimsiz deldaldar anyqtalyp, joıylyp jatyr.

Buǵan deıin Saýda mınıstri áleýmettik mańyzy bar azyq-túlik baǵalaryn turaqtandyrý jáne sıyr etimen ishki naryqty toltyrý sharalary týraly aıtyp berdi.

Sońǵy birneshe jyl boıy tarıfterdiń jyl saıynǵy ósýine qaramastan sıyr etiniń baǵasy saqtalyp keldi. Nátıjesinde kórshi elderdegi joǵary suranysqa baılanysty onyń baǵasy eń qoljetimdi ári eksportqa tartymdy bolyp otyr.