Azıada-2025: Qysqy sport básekesi týraly qyzyqty derekter

Qazaqstan sportshylary qysqy Azııa oıyndaryna altynshy márte qatyspaq. Otandastarymyz eń alǵash 1996 jyly Harbındegi dodada óner kórsetken. Bul jaıynda Týrızm jáne sport mınıstrligi jazdy.

Зимняя юношеская Олимпида-2024: состязаниях по фристайл-могулу
Фото: Туризм және спорт министрлігі

Derekke qaraǵanda, búginge deıin jerlesterimiz qysqy Azıadada 196 medal (78 altyn, 62 kúmis jáne 56 qola) jeńip alǵan.

2017 jyly Sapporoda ótken oıyndarda Qazaqstan quramasy 32 medal oljalap, jalpykomandalyq esepte 4-orynǵa ıe bolǵan edi.

Qazaqstan quramasynan Harbındegi qysqy Azıadaǵa 138 sportshy (72 er jáne 66 áıel) qatysady. Jerlesterimiz 6 sport túrinen 10 dıstsıplınada óner kórsetip, 51 medal jıyntyǵyn sarapqa salady.

Oıyndarǵa Azııanyń 32 elinen 1000-nan astam sportshy qatysyp, 64 medal jıyntyǵy úshin synǵa túsedi.

Skı-alpınızm sporty alǵash ret Azııa oıyndarynyń baǵdarlamasyna engizilip otyr.

Harbınge baratyn delegatsııanyń jartysynan astamy Astana, Almaty qalalarynan jáne Shyǵys Qazaqstan oblysynyń sportshylary.

Sondaı-aq taǵy 10 óńirdiń sportshylary óner kórsetedi.

Tý ustaýshylar – Ádil Beketaev (shaıbaly hokkeı) pen Olga Tıhonova (short-trek).

Qazirgi quramnan buǵan deıingi qysqy Azııa oıyndarynda chempıon atanǵan sportshylar:

• Olga Poltoranına (bıatlon, 2011 jylǵy chempıon)
• Evgenıı Rymarev (shaıbaly hokkeı, 2011 jylǵy chempıon)
• Roman Starchenko (shaıbaly hokkeı, 2011 jylǵy chempıon)
• Darıa Klımına (bıatlon, 2017 jylǵy chempıon)
• Kırıll Savıtskıı (shaıbaly hokkeı, 2017 jylǵy chempıon)
• Dmıtrıı Grents (shaıbaly hokkeı, 2017 jylǵy chempıon)

Eń jas sportshy – Asan Asylhan (frıstaıl-akrobatıka, 15 jasta).

Eń egde sportshy – Denıs Vlasov (skı-alpınızm, 41 jasta).

Azııa oıyndarynyń saltanatty ashylýy (7 aqpan) jáne jabylý rásimi (14 aqpan) Harbındegi Harbin International Convention and Exhibition Centre Stadium sport nysanynda ótedi.

Azıadanyń boıtumary – Cibir jolbarystary Bınbın men Nını. Urany: «Azııadaǵy qysqy arman men mahabbat».

Qytaıdyń Harbıni qysqy Azııa oıyndaryn bıyl ekinshi ret qabyldaıdy. Buǵan deıin bul qalada 1996 jylǵy Azıada ótken bolatyn. Jalpy, Qytaıda qysqy sary qurlyq básekesi úshinshi márte ótkeli tur.

Azıadanyń saltanatty bóligi men jarystar 7 sport nysanynda ótedi. Atap aıtqanda: Harbın hokkeı arenasy; Halyqaralyq Harbın kongress-kórme jáne sport ortalyǵy; Harbındegi Pınfan aýdanynyń hokkeı arenasy; Harbın sport ýnıversıtetiniń muzaıdyny; Heılýntszıan kópfýnktsıonaldy zaly; Heılýntszıan oqý ortalyǵynyń muzdaǵy jarystarǵa arnalǵan zaly; ıAbýlı taý-shańǵy kýrorty.

Aıta keteıik, buǵan deıin qysqy Azıadaǵa qatysatyn hokkeıden Qazaqstan quramasy belgili boldy.

Сейчас читают