Ajar Ǵınııat oblys ákimderinen mobıldi brıgadalardy kólikpen ýaqtyly qamtamasyz etýdi surady
«Densaýlyq saqtaý uıymdarynda KVI-men aýyrǵan 152 myńǵa jýyq patsıent, onyń ishinde 93% ambýlatorııalyq jáne 7% statsıonarlyq deńgeıde emdeýdi jalǵastyrýda.
Bul rette, sońǵy eki aptada ınfektsııalyq tósekterdiń qamtylýy 31%-ten 38%-ǵa deıin nemes 1,2 ese, reanımatsııalyq tósekterdi qamtý 17-den 23%-ǵa deıin nemes 1,3 ese ulǵaıdy.
Sońǵy 10 kúnde ınfektsııalyq tósekterdiń tolyqtyrylýynyń artýy Qostanaı oblysynda - 2,3 ese, Shyǵys Qazaqstan oblysynda - 1,8, Jambyl oblysynda - 1,7 ese, reanımatsııalyq tósekterdiń Mańǵystaý oblysynda - 7,2, Aqtóbe oblysynda - 2,8, Batys Qazaqstan oblysynda - 2,3 ese ósti», - dedi Ajar Ǵınııat.
Onyń aıtýyna qaraǵanda, der kezinde medıtsınalyq kómek kórsetý jáne aýyr naýqastar sanyn azaıtý úshin halyqtyń arasynda KVI-di óz betinshe emdeýge jol bermeý týraly aqparattyq-túsindirý jumystaryn kúsheıtý qajet. Ol úshin óńirlerdiń ákimdikterine mobıldik brıgadalardyń jetkilikti sanyn ýaqtyly bólip otyrýy kerek.
«Syrqattanýshylyqtyń ósýin eskere otyryp, ambýlatorııalyq deńgeıde dárilik preparattarmen qamtamasyz etýdi, dárihana jelisinde qabynýǵa qarsy jáne qyzýdy túsiretin dárilerdiń bolýyn turaqty baqylaýǵa alǵan jón.
Budan basqa, barlyq ambýlatorııalyq deńgeıdegi naýqastardy dıagnostıkalaý jáne dınamıkalyq baıqaýmen, onyń ishinde qashyqtan kórsetiletin qyzmetterdi, telemedıtsınany keńinen paıdalana otyryp, MSAK ahýaldyq ortalyqtarynyń jumysyn kúsheıtý qajet», - dedi mınıstr.
