Ajar Ǵınııat Aqtóbe oblysyndaǵy perzenthanalardyń jumysymen tanysty
Sapar barysynda vıtse-mınıstr Aqtóbe oblystyq perınataldyq ortalyǵynyń jumysymen tanysty.
Nysan 1977 jyly paıdalanýǵa berilgen jáne 155 tósek-orynǵa laıyqtalǵan.
Munda 6 tósektik eresekter reanımatsııasy men 85 tósektik bosandyrý bólimshesi jyl saıyn 7000-ǵa tarta áıeldi bosandyryp, 1500-ge jýyq operatsııa jasaýǵa múmkindik berip otyr.
Sondaı-aq, 20 tósektik patologııa, 10 tósektik laparoskopııalyq turaqtaǵy gınekologııalyq, 6 tósektik balalar reanımatsııasymen 30 tósektik jańa týǵan náresteler patologııasy bólimsheleri bar.
Qosymsha qyzmetter jumys isteıdi: bıohımııalyq jáne klınıkalyq zerthana, dárihana, flıýorografııalyq jáne rentgenologııalyq kabınet, ÝDZ jáne KTG, EKG fýnktsıonaldyq kabınetteri, dezınfektsııalyq kamera, kir jýatyn oryn jáne as úı.
Ekinshi ǵımaratta EKU, mammologııalyq jáne medıtsınalyq-genetıkalyq ortalyqtary bar oblystyq perınataldyq ortalyqtyń konsýltatsııalyq-dıagnostıkalyq bólimshesi jáne «Fıladelfııa» apparaty men IFT dıagnostıkasy bar genetıkalyq skrınıngter ótkizýge arnalǵan zerthana ornalasqan.
«Barlyq reanımatsııa jáne patologııa bólimshelerine ortalyqtandyrylǵan ottegi kompressorynyń joqtyǵyna qaramastan, ottegimen qamtamasyz etý júrgiziledi. Barlyq balalar reanımatsııasy zamanaýı klasstaǵy kıývezdermen jáne ÓJJ apparatymen jabdyqtalǵan. Barlyq medıtsınalyq jabdyqtar reanımatsııalyq kómek kórsetý ýaqytyn edáýir qysqartýǵa, dári-dármektiń engizilýin únemi baqylaýǵa jáne naýqastar jaǵdaıynyń obektıvti parametrlerin baqylaýǵa múmkindik beredi», - dedi ortalyq dırektory Ashat Balyqov.
Sonymen qatar, ol aǵymdaǵy jyly ortalyq jańa zamanaýı ǵımaratqa kóshýdi josparlap otyrǵanyn atap ótti, óıtkeni qoldanystaǵy ǵımarat «Qaýipsiz ana» standarttaryna saı kelmeıdi, sondaı-aq munda qosymsha kirme joldar men gaz tsısternalary joq.
«Densaýlyq saqtaý mınıstrligi ákimdiktermen jáne kásibı qoǵamdastyqpen birlesip, jaqyn arada barlyq densaýlyq saqtaý uıymdaryna túgendeý júrgizedi. Olardy barlyq qajetti jabdyqtarmen jáne dári-dármekpen jabdyqtaý boıynsha sharalar qabyldanady», - dedi A.Ǵınııat.
Sonymen qatar, ol «Aqtóbe medıtsınalyq ortalyǵy» MPK balalar statsıonarynda boldy.
Aýrýhana 2010 jyly paıdalanýǵa berilgen, munda 89 dáriger, 178 medbıke jáne 132 sanıtar jumys isteıdi.
Medıtsına qyzmetkerleriniń 70% jáne medbıkelerdiń 60% biliktilik sanaty bar.
Jyl saıyn statsıonarda qala, oblys jáne Batys Qazaqstan óńirinen 11-12 000 naýqas bala emdeledi.
Koronavırýs pandemııasy kezeńinde AMO bazasynda 25 tósektik balalar provızorlyq bólimshesi jáne statsıonardyń ákimshilik korpýsynda 100 tósektik eresek provızorlyq bólimshe, onyń ishinde 50 tósektik reanımatsııalyq bólimshe ashyldy.
Balalar provızorlyq bólimshesi úshin aýrýhana shtatynda barlyq beıindegi mamandar bar.
Eresek provızorlyq bólimshesiniń dárigerlik shtattary oblystyq juqpaly aýrýlar aýrýhanasynyń shtattarynan kózdelgen.
Koronavırýs ınfektsııasynyń ekinshi tolqynyna daıyndyq aıasynda aýrýhana reanımatsııalyq tósekterdiń ár palatasyna ottegi men vakýýmdy ortalyqtandyrylǵan jetkizýmen jabdyqtaldy.
16 ottegi kontsentratory ornatyldy, 10 kardıomagnıt jáne 10 pýlsoksımetr satyp alyndy.
Budan basqa, eresek provızorlyq bólimsheniń 50 tósegi úshin 50 ÓJJ apparatyn, qosymsha 34 ottegi kontsentratoryn, 40 kardıomonıtor jáne eresekterdiń provızorlyq bólimshesi úshin 40 pýlsoksımetr satyp alýǵa ótinimder berildi.
Sonymen qatar, aýrýhanada jalǵyz KT jáne MRT apparattary jumys istemeı tur.
A. Ǵınııat jumys saparynyń birinshi kúnin 135 tósektik oblystyq klınıkalyq juqpaly aýrýlar aýrýxanasyna barýmen aıaqtady.
Aýrýhana jeke qorǵanys quraldarymen tolyq qamtamasyz etilgen.