Ázerbaıjanda járdemaqy men zeınetaqy mólsheri ósedi

ASTANA. KAZINFORM — 2025 jyldyń 1 shildesinen bastap Ázerbaıjanda áleýmettik qoldaý kúsheıtiledi, dep habarlaıdy AZERTADJ.

Prezıdent Ilham Álıev qol qoıǵan jańa Jarlyqqa sáıkes, 2025 jylǵy 1 shildeden bastap Ázerbaıjanda sheıit otbasylaryna, múgedektigi bar adamdarǵa, bes jáne odan da kóp balasy bar áıelderge, az qamtylǵan otbasylarǵa jáne halyqtyń basqa da áleýmettik osal toptaryna arnalǵan járdemaqylar men zeınetaqylar mólsheri ulǵaıtyldy. Bul — 2018 jyldan beri júzege asyp jatqan áleýmettik reformalardyń besinshi toptamasy.

Ázerbaıjan Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe, Prezıdenttiń aı saıynǵy zeınetaqysy:

• Sheıitter, 20 qańtar oqıǵasy qurbandary jáne Aýǵanstanda qaza tapqan áskerı qyzmetshilerdiń otbasylaryna – 700 manat.

• Soǵysqa, 20 qańtarǵa, áskerı qyzmetke nemese Chernobyl AES-indegi qyzmetke baılanysty múgedektigi bar adamdar úshin:

  • І dárejeli (81–100%) – 600 manat,

  • ІІ dárejeli (61–80%) – 500 manat,

  • ІІІ dárejeli (31–60%) – 400 manat.

Arnaıy tólemder:

• «Otan soǵysynyń qaharmany» ataǵyna ıe azamattarǵa – 2200 manat,

• «Ázerbaıjannyń ulttyq qaharmany» ataǵyna ıe azamattarǵa – 2000 manat,

• Jeke prezıdenttik zeınetaqy – 1700 manat.

Birjolǵy tólemder:

• Sábıdiń dúnıege kelýine baılanysty – 600 manat,

• Jerleýge – 600 manat.

Kámeletke tolmaǵan múgedek balany qamqorlyqqa alǵan otbasyǵa aı saıynǵy járdemaqy:

• 0–6 jas – 500 manat,

• 7–13 jas – 600 manat,

• 14–18 jas – 650 manat.

Múgedektigi bar adamdarǵa aı saıynǵy járdemaqy:

• І dárejeli (81–100%) – 300 manat,

• ІІ dárejeli (61–80%) – 250 manat,

• ІІІ dárejeli (31–60%) – 180 manat.

• Kórý qabileti boıynsha І dárejeli múgedektigi bar adamdar úshin – 350 manat,

• Kórý qabiletine qatysy joq І dárejeli múgedektigi bar adamdarǵa – 250 manat.

Basqa da járdemaqylar:

• Árbir asyrap alynǵan balaǵa – 240 manat,

• Asyraýshysynan aıyrylǵandarǵa (ár otbasy múshesine) – 140 manat,

• Bir jasqa deıingi balasy bar az qamtylǵan otbasylarǵa – 140 manat,

• Bes jáne odan kóp balasy bar analarǵa (ár balaǵa) – 140 manat,

• Shuǵyl áskerı qyzmettegi áskerı qyzmetshilerdiń balalaryna – 140 manat,

• Ata-anasyz qalǵan balalardyń qamqorshylaryna – 140 manat,

• І dárejeli múgedektigi nemese múgedek balasy barlarǵa kútim jasaýshylarǵa – 120 manat.

Qurmetti ataq ıeleriniń zeınetaqysy:

• «Halyq ártisi» ataǵy úshin – 300 manat,

• «Eńbegi sińgen» ataǵy úshin – 200 manat.

Aıta ketý kerek, 2024 jylǵy 23 jeltoqsandaǵy Prezıdent Jarlyǵyna sáıkes, 2025 jyldyń basynan bastap eldegi eń tómengi jalaqy mólsheri – 400 manatqa, al eń tómengi zeınetaqy – 320 manatqa deıin artty. Sondaı-aq, barlyq zeınetaqy túrleri 8,1% mólsherinde ındeksteldi.

Jalpy alǵanda, bul áleýmettik reformalar toptamasy 3 mıllıon adamdy qamtıdy. Olardyń jalaqysy, zeınetaqysy, járdemaqylary men stıpendııalaryn arttyrýǵa jyl saıyn 1,4 mıllıard manat bólinedi.

Osydan buryn Ázerbaıjanda Kaspıı men Qara teńizdi jerasty týnnelimen baılanystyrý usynyldy.